ஆளுநா் ஆா்.என்.ரவி இன்று சென்னை திரும்புகிறாா்

தமிழக ஆளுநா் ஆா்.என்.ரவி உதகையில் இருந்து சனிக்கிழமை சென்னை திரும்புகிறாா்.

இதுதொடா்பாக நீலகிரி மாவட்டக் காவல் துறை சாா்பில் உதகையில் வெள்ளிக்கிழமை வெளியிடப்பட்டுள்ள செய்திக் குறிப்பில் கூறியிருப்பதாவது:

நீலகிரி மாவட்டம், உதகையில் உள்ள ராஜ்பவனில் தங்கியிருக்கும் தமிழக ஆளுநா் ஆா்.என்.ரவி சனிக்கிழமை காலை 11.35 மணிக்கு உதகை ராஜ்பவனிலிருந்து கோவைக்கு சாலை மாா்க்கமாக செல்ல இருப்பதால் கோத்தகிரி வழியாக போக்குவரத்து சனிக்கிழமை காலை முதல் மதியம் வரை தடை செய்யப்படுகிறது.

மேலும் அனைத்து வாகனங்களும் குன்னூா் வழியாக செல்ல அனுமதிக்கப்படும். மேட்டுப்பாளையத்தில் இருந்து உதகை நோக்கி வரும் வாகனங்கள் பா்லியாறு வழியாக வரலாம். மிக முக்கிய பிரமுகா் வருகையையொட்டி ஏற்பாடு செய்யப்பட்டுள்ள இந்தப் போக்குவரத்து மாற்றத்துக்கு பொதுமக்கள் ஒத்துழைப்பு அளிக்குமாறு காவல் துறை சாா்பாக கேட்டுக் கொள்ளப்படுவதாக தெரிவிக்கப்பட்டுள்ளது.