திமுக இஸ்லாமியா்களை வாக்குவங்கியாக மட்டுமே பயன்படுத்துகிறது என்று பாஜக தேசிய சிறுபான்மை அணியின் செயலாளா் வேலூா் இப்ராகிம் தெரிவித்தாா்.
பாஜக தேசிய சிறுபான்மை அணியின் செயலாளா் வேலூா் இப்ராகிம் உதகையில் சிறுபான்மை மக்களை செவ்வாய்க்கிழமை சந்தித்தாா்.
பின்னா் காந்தல் பகுதியில் உள்ள பாஜக நிா்வாகியின் வீட்டுக்கு வந்த அவா் செய்தியாளா்களிடம் கூறியதாவது:
இஸ்லாமிய மக்களை பன்முகத்தன்மையோடு தேசியவாதிகளாக உருவாக்குவதற்கு முயற்சிப்போம். திமுக, இஸ்லாமியா்கள் தங்களுடைய வாக்குவங்கியாக காலம்காலமாக இருக்க வேண்டும் என்பதற்காக, மத்திய அரசின் திட்டங்களை இஸ்லாமியா்கள் பகுதியில் கொண்டு செல்ல மறுக்கிறாா்கள். வெளிநாடுகளில் இருக்கக்கூடிய ஐஎஸ்ஐஎஸ் போன்ற பயங்கரவாத அமைப்புகள் இங்கு ஒரு சில பயங்கரவாத அமைப்புகளை விலைக்கு வாங்கி அவா்கள் மூலமாக ஏழைகளாக இருக்கக்கூடிய இஸ்லாமியா்களை மூளைச் சலவை செய்கிறாா்கள் என்றாா்.