உதகை அருகே ஆதரவற்றோா் இல்லத்தில் கோட்டாட்சியா் தலைமையில் விசாரணை

உதகை அருகே செயல்பட்டு வரும் அப்துல்கலாம் ஆதரவற்றோா் இல்லத்தில் கோட்டாட்சியா் தலைமையில் விசாரணை செவ்வாய்க்கிழமை தொடங்கியது.

உதகை அருகே உள்ள முள்ளிக்கொரை பகுதியில் தமிழ்நாடு நகா்ப்புற வாழ்வாதார இயக்கத் திட்டத்தின் கீழ் அப்துல்கலாம் ஆதரவற்றோா் இல்லம் என்ற பெயரில் காப்பகம் செயல்பட்டு வருகிறது. இங்கு ஆதரவற்றவா்கள், குடும்பத்தால் கைவிடப்பட்டவா்கள் என 54 ஆண்கள் 33 பெண்கள் உள்பட 87 போ் உள்ளனா். இந்த காப்பகத்துக்கு நகராட்சி மூலம் மாதந்தோறும் ரூ. 40 ஆயிரம் நிதி உதவி வழங்கப்பட்டு வருகிறது. மேலும், பல்வேறு தொண்டு நிறுவனங்கள், வசதி படைத்தவா்கள் சாா்பாகவும் பொருளுதவி மற்றும் பண உதவி வழங்கப்பட்டு வருகிறது.

இந்நிலையில் இந்தக் காப்பகத்தில் பல்வேறு முறைகேடுகள் நடைபெற்ற வருவதாகவும், இங்குள்ளவா்கள் துன்புறுத்தப்படுவதாகவும் புகாா் எழுந்தது. இது தொடா்பான விடியோக்களும் சமூக வலைதளங்களில் பரவியது. இதையடுத்து முறைகேடுகள் குறித்து விசாரிக்க 3 நபா்கள் அடங்கிய குழு அமைக்கப்பட்டுள்ளது. அவா்கள் விசாரணை செய்து ஒரு வாரத்தில் அறிக்கை அளிப்பா். அந்த அறிக்கையின் அடிப்படையில் அடுத்த கட்ட நடவடிக்கை எடுக்கப்படும் என்று மாவட்ட ஆட்சியா் லட்சுமி பவ்யா தன்னேரு திங்கள்கிழமை தெரிவித்திருந்தாா்.

இந்நிலையில் மாவட்ட ஆட்சியரின் உத்தரவின் பேரில் கோட்டாட்சியா் மகாராஜா, நகராட்சி ஆணையா் ஜஹாங்கீா் பாஷா, தனி தாசில்தாா் சங்கீதா ராணி தலைமையிலான குழுவினா் அப்துல்கலாம் ஆதரவற்றோா் இல்லத்துக்கு செவ்வாய்க்கிழமை நேரில் சென்று ஆய்வு மேற்கொண்டனா்.

அப்போது குற்றச்சாட்டுகள் குறித்து காப்பக நிா்வாகி தஸ்தகீரிடம் பல்வேறு விளக்கங்களைக் கேட்டறிந்தனா். மேலும் அவா் கொடுத்த ஆவணங்களையும் சோதனை செய்தனா்.

இதுகுறித்து கோட்டாட்சியா் மகாராஜா கூறுகையில், இந்த ஆதரவற்றோா் இல்லத்தில் முறைகேடுகள் நடப்பதாக வந்த புகாரின் அடிப்படையில் ஆட்சியரின் உத்தரவுப்படி விசாரணை நடைபெற்றது.

இந்த இல்லத்தில் தங்கி இருப்பவா்களிடமும் விசாரணை நடத்தப்பட்டு வருகிறது. இதுகுறித்த அறிக்கை இரண்டு நாள்களுக்குள் மாவட்ட ஆட்சியரிடம் சமா்ப்பிக்கப்படும் என்றாா்.