Enable Javscript for better performance
மழையால் சந்தையில் வியாபாரம் பாதிப்பு- Dinamani

சுடச்சுட

    

    வெள்ளக்கோவில் ஞாயிற்றுக்கிழமை பெய்த மழையால் வாரச் சந்தையில் ரூ. 20 லட்சம் மதிப்புக்கு வியாபாரம் பாதிக்கப்பட்டது.

    முத்தூா் சாலையில் நகராட்சி வாரச் சந்தை செயல்பட்டு வருகிறது. இங்குள்ள 350 கடைகள் மூலம் காய்கறிகள், பழங்கள், தேங்காய், கீரை வகைகள், அரிசி, பருப்பு வகைகள், மளிகைச் சாமான்கள் உள்ளிட்டவை விற்பனை செய்யப்படுகின்றன. அதிகாலை 5 மணிக்குத் தொடங்கி இரவு 7 மணி வரை சந்தை நடைபெறுவது வழக்கம்.

    இந்நிலையில், வெள்ளக்கோவிலில் ஞாயிற்றுக்கிழமை காலையிலிருந்து இடைவிடாமல் தொடா்ந்து மழை பெய்ததால் சந்தைக்கு பெரும்பாலானோா் வரவில்லை. சந்தை வெறிச்சோடிக் காணப்பட்டது. வழக்கத்தைவிட வியாபாரம் வெகுவாகக் குறைந்துவிட்டது. சந்தை வியாபாரம் ரூ. 20 லட்சம் மதிப்புக்குப் பாதிக்கப்பட்டதாக வியாபாரிகள் தெரிவித்தனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai