Enable Javscript for better performance
திருப்பூரில் 41 புதிய பேருந்துகள் சேவை தொடக்கம்: அமைச்சர் உடுமலை கே. ராதாகிருஷ்ணன் தொடங்கிவைத்தார்- Dinamani

சுடச்சுட

    

    திருப்பூரில் 41 புதிய பேருந்துகள் சேவை தொடக்கம்: அமைச்சர் உடுமலை கே. ராதாகிருஷ்ணன் தொடங்கிவைத்தார்

    By DIN  |   Published on : 12th January 2019 05:01 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    திருப்பூரில் இருந்து பல்வேறு பகுதிகளுக்கு 41 புதிய அரசுப் பேருந்துகளின் சேவையை கால்நடை பராமரிப்புத் துறை அமைச்சர் உடுமலை கே.ராதாகிருஷ்ணன் வெள்ளிக்கிழமை தொடங்கிவைத்தார்.
    திருப்பூர் மண்டலத்தில் திருப்பூர், பல்லடம், காங்கயம், தாராபுரம், உடுமலைப்பேட்டை, பழனி ஆகிய கிளைகளில் இருந்து பல்வேறு பகுதிகளுக்கு நூற்றுக்கணக்கான அரசுப் பேருந்துகளை தமிழ்நாடு அரசுப் போக்குவரத்துக் கழகம் இயக்கி வருகின்றது. 
    இந் நிலையில், பல்வேறு மாவட்டங்களுக்கு 471 புதிய அரசுப் பேருந்துகளின் சேவையை தமிழக முதல்வர் எடப்பாடி பழனிசாமி சென்னையில் தொடங்கிவைத்தார். 
    இதன்படி திருப்பூர் மண்டலத்தில் இருந்து 41 புதிய பேருந்துகளின் சேவையை புதிய பேருந்து நிலையத்தில் இருந்து கால்நடை பராமரிப்புத் துறை அமைச்சர் உடுமலை கே.ராதாகிருஷ்ணன் வெள்ளிக்கிழமை கொடியசைத்து தொடங்கிவைத்தார்.
    இதில்,  திருவண்ணாமலை, திருச்சி, வெள்ளக்கோவில், கோவை, சத்தியமங்கலம், காரைக்குடி, புதுக்கோட்டை, திருச்செங்கோடு, ஈரோடு உள்ளிட்ட பல்வேறு பகுதிகளுக்கு 41 புதிய அரசு பேருந்துகள் இயக்கப்படுகின்றன. இது குறித்து அமைச்சர் உடுமலை கே.ராதாகிருஷ்ணன் செய்தியாளர்களிடம் பேசியதாவது: 
     77 ஆயிரம் மகளிருக்கு 50 நாட்டுக்கோழிகள் வழங்கும் திட்டத்தை முதல்வர் எடப்பாடி பழனிசாமி வியாழக்கிழமை தொடங்கிவைத்தார். சென்னையில் முதல்வர் தொடங்கி வைத்த புதிய பேருந்துகளில்,  திருப்பூர் மண்டலத்தில் 41 புதிய பேருந்துகள் ரூ. 10 கோடி மதிப்பில் தொடக்கிவைக்கப்பட்டுள்ளன.
    மாவட்டத்தில் இரண்டாவது ஆண்டாக அலகுமலையில் ஜல்லிக்கட்டு நடைபெற உள்ளது. ஜல்லிக்கட்டைப் பொருத்தவரையில் 146 விண்ணப்பங்கள் அனுமதிக்காக வந்துள்ளன. அதில், 60க்கும் மேற்பட்ட விண்ணப்பங்களுக்கு அனுமதி அளிக்கப்பட்டுள்ளன. மீதம் உள்ள விண்ணப்பங்கள் பரிசீலிக்கப்பட்டு அனுமதி அளிக்கப்படும் என்றார். 
    இந் நிகழ்ச்சியில், மாவட்ட ஆட்சியர் கே.எஸ்.பழனிசாமி, சட்டப் பேரவை உறுப்பினர்கள் கே.என்.விஜயகுமார், கரைப்புதூர் ஏ. நடராஜன், திருப்பூர் சார் ஆட்சியர் ஷ்ரவண் குமார்,  முன்னாள் அமைச்சர் எம்.எஸ்.எம்.ஆனந்தன், தமிழ்நாடு அரசு போக்குவரத்துக் கழக திருப்பூர் மண்டலப் பொது மேலாளர் (தொழில்நுட்பம்)  வீரமணி, துணை மேலாளர் முத்துக்கிருஷ்ணன் உள்ளிட்ட பலர் கலந்து கொண்டனர்.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai