வெள்ளக்கோவிலில் முருங்கைக்காய் கிலோ ரூ.8க்கு கொள்முதல்
By DIN | Published On : 04th March 2019 07:59 AM | Last Updated : 04th March 2019 07:59 AM | அ+அ அ- |
வெள்ளக்கோவிலில் முருங்கைக்காய் கிலோ ரூ.8 க்கு விவசாயிகளிடம் இருந்து வாங்கப்பட்டது.
திருப்பூர் மாவட்டம், வெள்ளக்கோவிலில் வாரந்தோறும் ஞாயிற்றுக்கிழமை முத்தூர் சாலையில் செயல்படும் தனியார் கொள்முதல் மையத்தில் முருங்கைக்காய்கள் வாங்கப்படுகின்றன. இந்த வாரம் 41 டன் முருங்கைக்காய்கள் கொண்டுவரப்பட்டிருந்தன. இது கடந்த வாரத்தைவிட 10 டன் அதிகமாகும்.
வரத்து அதிகரித்ததால் இந்த வாரம் முருங்கைக்காய் கிலோவுக்கு ரூ. 2 என விலை குறைந்தது. இந்த வாரம் மர முருங்கைக்காய் கிலோ ரூ.8, செடி முருங்கைக்காய் கிலோ ரூ.9 க்கு வியாபாரிகள் வாங்கினர்.
முருங்கைக் காய் விலை தொடர்ந்து குறைந்துவருவதால் விவசாயிகள் கவலை அடைந்துள்ளனர்.
