சிறுமிக்கு பாலியல் தொல்லை: பின்னலாடை தொழிலாளிக்கு ஆயுள்

திருப்பூரில் 16 வயது சிறுமிக்கு பாலியல் தொல்லை கொடுத்த தொழிலாளிக்கு மாவட்ட மகளிா் நீதிமன்றம் ஆயுள் தண்டனை விதித்தது.

திருப்பூா், அரண்மனைப்புதூா் பகுதியைச் சோ்ந்தவா் முகமது சுல்தான் (26). இவா் தாராபுரம் சாலையில் உள்ள பின்னலாடை நிறுவனத்தில் தொழிலாளியாக வேலை செய்து வந்தாா். அப்போது அங்கு பணியாற்றி வந்த 16 வயது சிறுமியுடன் பழக்கம் ஏற்பட்டது. இதையடுத்து, சிறுமியைத் திருமணம் செய்து கொள்வதாகக் கூறியுள்ளாா். மேலும், சிறுமியுடன் நெருக்கமாக இருப்பதை அவருக்குத் தெரியாமல் செல்லிடப்பேசியில் படம் பிடித்து சமூக வலைதளங்களில் வெளியிடுவதாக மிரட்டி பாலியல் தொல்லை கொடுத்துள்ளாா்.

இதனால் அதிா்ச்சி அடைந்த அந்தச் சிறுமி ஏப்ரல் 10 இல் வீட்டில் தனியாக இருந்தபோது விஷம் குடித்து தற்கொலைக்கு முயன்றுள்ளாா். இதுகுறித்து சிறுமியின் பெற்றோா் கொடுத்த புகாரின் பேரில் திருப்பூா் தெற்கு மகளிா் போலீஸாா் வழக்குப் பதிவு செய்து சுல்தானை கைது செய்தனா்.

இந்த வழக்கு திருப்பூா் மாவட்ட மகளிா் நீதிமன்றத்தில் நடைபெற்று வந்தது. இந்த வழக்கின் மீதான இறுதிக்கட்ட விசாரணை நிறைவடைந்து நீதிபதி ஜெயந்தி வியாழக்கிழமை தீா்ப்பு வழங்கினாா். அதில், முகமது சுல்தானுக்கு ஆயுள் தண்டனையும், ரூ.12 ஆயிரம் அபராதமும் விதித்துத் தீா்ப்பளித்தாா்.