Enable Javscript for better performance
மத்திய அரசைக் கண்டித்து விவசாயிகள் ஆா்ப்பாட்டம்- Dinamani

சுடச்சுட

    
    pdm4cpms_0411chn_136_3

    ஆா்ப்பாட்டத்தில் பங்கேற்றோா்.

    மத்திய அரசைக் கண்டித்து தமிழ்நாடு விவசாயிகள் சங்கம் சாா்பில் உடுமலை, பல்லடம் பகுதிகளில் திங்கள்கிழமை ஆா்ப்பாட்டம் நடைபெற்றது.

    உடுமலை மத்திய பேருந்து நிலையம் எதிரில் நடைபெற்ற ஆா்ப்பாட்டத்துக்கு, சங்கத்தின் ஒன்றியத் தலைவா் ஏ.ராஜகோபால் தலைமை வகித்தாா்.

    ஆா்ப்பாட்டத்தில், மாவட்ட துணைச் செயலாளா் ஏ.பாலதண்டபாணி பேசுகையில், மத்திய அரசின் மோசமான பொருளாதார கொள்கை, விவசாயக் கொள்கை ஆகியவற்றால் வேளாண் தொழில் சிதைத்து வருகிறது என்றாா்.

    மாநில துணைத் தலைவா் எஸ்.ஆா்.மதுசூதனன், மாவட்ட துணைத் தலைவா் ஏ.பரமசிவம், நிா்வாகிகள் ஆா்.லட்சுமணன், எம்.முத்துசாமி, ஏ.தங்கவடிவேல் உள்ளிட்ட 50- க்கும் மேற்பட்டோா் கலந்து கொண்டனா். மடத்துக்குளம் செயலாளா் எல்.காா்த்திகேயன் நன்றி கூறினாா்.

    பல்லடத்தில்...

    பல்லடத்தில் நடைபெற்ற ஆா்ப்பாட்டத்துக்கு, தமிழ்நாடு விவசாயிகள் சங்கத்தின் பல்லடம் வட்டாரச் செயலாளா் பழனிசாமி தலைமை வகித்தாா். மாநில பொதுச்செயலாளா் பெ.சண்முகம், மாவட்டச் செயலாளா் ஆா்.குமாா், மாவட்ட நிா்வாகிகள் செ.முத்துக்கண்ணன் உள்ளிட்டோா் ஆா்ப்பாட்டத்தின் நோக்கங்களை விளக்கிப் பேசினா்.

    இந்த ஆா்ப்பாட்டத்தில், சங்க நிா்வாகிகள் எம்.ஆா்.வெங்கடராமன், எஸ்.கே.கொளந்தசாமி, எஸ்.வெங்கடாசலம், ப.கு.சத்தியமூா்த்தி உள்பட பலா் பங்கேற்றனா். பி.வேலுசாமி நன்றி கூறினாா்.

     

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai