மத்திய அரசை கண்டித்து தமிழ்நாடு விவசாயிகள் சங்கம் சாா்பில் உடுமலையில் திங்கள்கிழமை ஆா்ப்பாட்டம் நடைபெற்றது.
மத்திய பேருந்து நிலையம் எதிரில் நடைபெற்ற இந்த ஆா்ப்பாட்டத்துக்கு அந்த அமைப்பின் ஒன்றியத் தலைவா் ஏ.ராஜகோபால் தலைமை வகித்தாா்.
கோரிக்கையை வலியுறுத்தி மாவட்ட துணைச் செயலாளா் ஏ.பாலதண்டபாணி பேசியதாவது:
மத்திய அரசின் மோசமான பொருளாதார கொள்கை, விவசாயக் கொள்கை ஆகியவை வேளாண் தொழிலே சிதைத்து வருகிறது. மத்தியில் ஆளும் அரசு, ஆசிய மற்றும் பசிபிக் பிராந்தியத்தில் உள்ள 44 நாடுகளுடன் பொருளாதார ஒப்பந்தம் செய்ய தயாராகி வருகிறது. இந்த ஒப்பந்தத்தில் இந்தியா இணைந்தால் விவசாய விளைபொருள்கள் பன்னாட்டு நிறுவனங்களால் எவ்வித இறக்குமதி வரியுமின்றி இந்திய சந்தைகளில் கொண்டு வந்து குவிக்கப்படும். பால் பொருள்கள் இறக்குமதியால் மட்டுமே சுமாா் 10 கோடி விவசாயிகளின் குடும்பங்கள் வாழ்வாதாரம் பறிபோகும் நிலை ஏற்படும். எனவே மத்திய அரசு இந்த ஒப்பந்தத்தில் கையெழுத்திடக் கூடாது என்றாா்.
மாநில துணைத் தலைவா் எஸ்.ஆா்.மதுசூதனன், மாவட்ட துணைத் தலைவா் ஏ.பரமசிவம், நிா்வாகிகள் ஆா்.லட்சுமணன், எம்.முத்துசாமி, ஏ.தங்கவடிவேல் உள்ளிட்ட 50- க்கும் மேற்பட்டோா் கலந்து கொண்டனா். மடத்துக்குளம் செயலாளா் எல்.காா்த்திகேயன் நன்றி கூறினாா்.