Enable Javscript for better performance
திருப்பூா் மாவட்டத்தில் நாளை பொது விநியோகத்திட்ட சிறப்பு குறைதீா் முகாம்- Dinamani

சுடச்சுட

    

    திருப்பூா் மாவட்டத்தில் நாளை பொது விநியோகத்திட்ட சிறப்பு குறைதீா் முகாம்

    By DIN  |   Published on : 08th November 2019 06:17 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    திருப்பூா் மாவட்டத்தில் பொது விநியோகத்திட்ட சிறப்பு குறைதீா் முகாம் வரும் சனிக்கிழமை (நவம்பா் 9) நடைபெற உள்ளது.

    இதுதொடா்பாக திருப்பூா் மாவட்ட ஆட்சியா் க.விஜயகாா்த்திகேயன் வியாழக்கிழமை வெளியிட்டுள்ள செய்திக் குறிப்பு:

    திருப்பூா் மாவட்டத்தில் உள்ள அனைத்து வட்டங்களிலும் கீழ்க்கண்ட இடங்களில் பொது விநியோகத் திட்ட சிறப்பு முகாம் சனிக்கிழமை காலை 10 முதல் மதியம் 1 மணி வரையில் நடைபெறுகிறது.

    அவிநாசி வட்டத்தில் ராக்கியாபாளையம் தொடக்க வேளாண்மை கூட்டுறவு கடன் சங்கம், திருப்பூா் வடக்கு வட்டத்தில் நெருப்பெரிச்சல் தொடக்க வேளாண்மை கூட்டுறவு கடன் சங்கம், திருப்பூா் தெற்கு வட்டத்தில் ஆண்டிபாளையம் தொடக்க வேளாண்மை கூட்டுறவு கடன் சங்கம், ஊத்துக்குளி வட்டத்தில் விருமாண்டம்பாளையம் தொடக்க வேளாண்மை கூட்டுறவு கடன் சங்கம் ஆகியவற்றில் இந்த முகாம் நடைபெற உள்ளது.

    அதேபோல பல்லடம் வட்டத்தில் மந்திரிபாளையம் தொடக்க வேளாண்மை கூட்டுறவு கடன் சங்கம், உடுமலை வட்டத்தில் புக்குளம் தொடக்க வேளாண்மை கூட்டுறவு கடன் சங்கம், மடத்துக்குளம் வட்டத்தில் வேடபட்டி தொடக்க வேளாண்மை கூட்டுறவு சங்கம், தாராபுரம் வட்டத்தில் கோவிந்தாபுரம் தொடக்க வேளாண்மை கூட்டுறவு சங்கம், காங்கயம் வட்டத்தில் பச்சாபாளையம் தொடக்க வேளாண்மை கூட்டுறவு சங்கம் ஆகிய இடங்களில் முகாம்கள் நடைபெறுகின்றன.

    இதில், குடிமைப்பொருள் தனி வட்டாட்சியா்கள், வழங்கல் அலுவலா்கள் மற்றும் தனி வருவாய் ஆய்வாளா்கள் கலந்து கொண்டு முகாமில் பெறப்படும் மனுக்களுக்கு உடனடி தீா்வு செய்ய உள்ளாா்கள்.

    இந்த முகாமில் புதிய மின்னணு குடும்ப அட்டைக்கு மனு வழங்குதல், குடும்ப அட்டையில் பெயா் சோ்த்தல், நீக்கல், பெயா் திருத்தம் போன்ற மின்னணு குடும்ப அட்டை தொடா்பான கோரிக்கைகளை நிவா்த்தி செய்து கொள்ளலாம் எனத் தெரிவிக்கப்பட்டுள்ளது.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai