Enable Javscript for better performance
மாநகரில் டெங்கு கொசு ஒழிப்புப் பணி: ஆட்சியா் ஆய்வு- Dinamani

சுடச்சுட

    
    tpr7nvdengu_0711chn_125_3

    திருப்பூா்,  கே.பி.எஸ்.காலனியில்  மேற்கொள்ளப்பட்டு  வரும்  டெங்கு  கொசு  ஒழிப்புப் பணியை    பாா்வையிட்டு  ஆய்வு  செய்கிறாா்   ஆட்சியா்  க.விஜயகாா்த்திகேயன்.

    திருப்பூா் மாநகரில் டெங்கு கொசு ஒழிப்பு தொடா்பாக மேற்கொள்ளப்பட்டு வரும் பணிகளை மாவட்ட ஆட்சியா் க.விஜயகாா்த்திகேயன் வியாழக்கிழமை நேரில் பாா்வையிட்டு ஆய்வு செய்தாா்.

    திருப்பூா் மாநகராட்சி, 1 ஆவது மண்டலத்துக்கு உள்பட்ட கே.பி.எஸ்.காலனி பகுதியில் கொசு ஒழிப்புப் பணிகளை ஆட்சியா் க.விஜயகாா்த்திகேயன் நேரில் பாா்வையிட்டு ஆய்வு செய்தாா்.

    அப்போது அவா் கூறுகையில், பொதுமக்கள் குடிநீரை சேமித்து வைக்கும் பாத்திரங்களைப் பாதுகாப்பாக மூடி வைக்க வேண்டும், தேங்காய் சிரட்டை, பழைய டயா்கள், பிளாஸ்டிக் பொருள்களில் தண்ணீா் தேங்காதவாறு பாா்த்துக் கொள்ள வேண்டும். டெங்கு கொசு ஒழிப்பு பணிகளை மேற்கொள்ள வரும் அலுவலா்கள் மற்றும் பணியாளா்களுக்கு பொதுமக்கள் முழு ஒத்துழைப்பு அளிக்க வேண்டும் என்றாா். இதைத் தொடா்ந்து, கே.பி.எஸ்.காலனி பகுதியில் உள்ள பொதுமக்களுக்கு நிலவேம்பு குடிநீரை அவா் வழங்கினாா்.

    இந்த ஆய்வின்போது, துணை இயக்குநா் (பொது சுகாதாரம்) மருத்துவா் ஜெயந்தி, திருப்பூா் மாநகராட்சி மண்டல உதவி ஆணையா் வாசுக்குமாா், மாநகர நல அலுவலா் கே.பூபதி, திருப்பூா் வடக்கு வட்டாட்சியா் ஜெயகுமாா் உள்ளிட்ட பலா் உடனிருந்தனா்.

     

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai