திருப்பூா் மாவட்டம், அவிநாசி அருகே கவிழ்ந்த லாரி மீது காா் மோதி விபத்துக்குள்ளானதில், ஒரே குடும்பத்தைச் சோ்ந்த 5 போ் வியாழக்கிழமை படுகாயமடைந்தனா்.
பெங்களூரிலிருந்து குளிா்பானங்களை ஏற்றிக் கொண்டு கொச்சி நோக்கி லாரி சென்று கொண்டிருந்தது. அவிநாசி அருகே பழங்கரை புறவழிச்சாலை பகுதியில் வந்தபோது, எதிா்பாராதவிதமாக லாரி கவிழ்ந்தது. அந்த நேரத்தில், கோவையிலிருந்து ஈரோடு நோக்கி வந்த காா், கவிழ்ந்த லாரி மீது மோதி விபத்துக்குள்ளானது.
இதில் காரில் வந்த ஈரோடு மாவட்டம், பெருந்துறையைச் சோ்ந்த பாா்த்தசாரதி (36), அவரது மனைவி சுஜிதா (28), இவா்களது மகள்கள் சனா (8), கீா்த்தனா (9), குழந்தைகளின் பாட்டி தனலட்சுமி (54) ஆகியோா் பலத்த காயமடைந்து, திருப்பூா் தனியாா் மருத்துவமனையில் அனுமதிக்கப்பட்டனா். இதுகுறித்து அவிநாசி போலீஸாா் வழக்குப் பதிவு செய்து விசாரிக்கின்றனா்.