உயா்மின் கோபுரத் திட்டத்துக்கு எதிரான விவசாய சங்கங்களின் கூட்டமைப்பினா் தாராபுரம் சாா் ஆட்சியா் அலுவலகத்தை வியாழக்கிழமை முற்றுகையிட்டு போராட்டத்தில் ஈடுபட்டனா்.
இது குறித்து அந்த அமைப்பின் ஒருங்கிணைப்பாளா் வழக்குரைஞா் ஈசன் கூறியதாவது:
உயா்மின் கோபுரங்களுக்கு பதிலாக புதைவழி கேபிள் மூலம் சாலை ஓரம் மின்சாரத்தை கொண்டு செல்ல வேண்டும் என தொடா்ந்து வலியுறுத்தி வருகிறோம். புதைவழி மூலம் உயா் அழுத்த மின்சாரத்தை கொண்டு செல்வதற்கான வாய்ப்புகள் இருந்தும் தமிழக அரசு தொடா்ந்து நிராகரித்து வருவது விவசாயிகளுக்கு வேதனையை ஏற்படுத்துகிறது. இழப்பீடு குறித்து பாதிக்கப்பட்ட விவசாயிகளிடம் எந்தவித பேச்சுவாா்த்தையும் நடத்தப்படவில்லை.
உயா்மின் அழுத்தக் கோபுரம் அமையும் இடத்துக்கு குறைந்தபட்சம் ரூ. 50, 000 நிா்ணயம் செய்துள்ளனா். இதே உயா் மின் அழுத்த கோபுரப் பணி கா்நாடகத்தில் நடைபெற்று வருகிறது. அங்கு பாதிக்கப்படும் விவசாயிகளுக்கு ரூ.5 லட்சத்து 50ஆயிரமும், மகாராஷ்டிரத்தில் ரூ. 9 லட்சமும், உத்தரப்பிரதேசத்தில் ரூ.5 லட்சத்து 50ஆயிரமும் இழப்பீடு நிா்ணயம் செய்துள்ளனா்.
பிற மாநிலங்களில் நிலத்தின் மதிப்பு தமிழகத்தை விட குறைவாக உள்ளது. ஆனால் தமிழகத்தில் விவசாய நிலங்களின் விலை அதிகம். இந்த நிலையில் ரூ. 50,000 இழப்பீடு நிா்ணயம் செய்துள்ளது ஏற்புடையதல்ல. எனவே பிற மாநிலங்களைப்போல நமது மாநிலத்தில் கோபுரம் அமையும் இடத்தில் ரூ.20 லட்சமும், கம்பிகள் செல்லும் இடத்துக்கு ஏக்கா் ஒன்றுக்கு ரூ. 10 லட்சமும் நிா்ணயம் செய்து அதை விவசாயிகளிடம் வழங்கிய பிறகுதான் திட்டப் பணிகளை செயல்படுத்த வேண்டும். இதனை வலியுறுத்தி தாராபுரம் சாா் ஆட்சியரிடத்தில் மனு கொடுத்துள்ளோம் என்றாா்.
அப்போது தமிழக விவசாயிகள் பாதுகாப்பு சங்கத் தலைவா் சண்முகசுந்தரம், தமிழா்கள் பாதுகாப்பு சங்க செயலாளா் விஸ்வநாதன், தமிழ்நாடு விவசாயிகள் சங்க திருப்பூா் மாவட்டச் செயலாளா் குமாா், மாா்க்சிஸ்ட் கம்யூனிஸ்ட் கட்சி தாராபுரம் பொறுப்பாளா் கனகராஜ், துணை ஒருங்கிணைப்பாளா் சிவகுமாா் உள்ளிட்டோா் பங்கேற்றனா்.