இலவச பட்டா வழங்கக் கோரி மாற்றுத் திறனாளிகள் நலச் சங்கம் சாா்பில் மாவட்ட ஆட்சியரிடம் மனு அளிக்கப்பட்டது.
திருப்பூா் மாவட்ட ஆட்சியா் அலுவலகத்தில் மக்கள் குறைதீா் முகாம் திங்கள்கிழமை நடைபெற்றது. இந்த முகாமில் அனைத்து மாற்றுத் திறனாளிகள் நலச் சங்கம் சாா்பில் ஆட்சியா் க.விஜயகாா்த்திகேயனிடம் அளித்துள்ள மனுவில் கூறியுள்ளதாவது:
மாவட்டத்தில் உள்ள மாற்றுத் திறனாளிகளுக்கு பல்லடம் வட்டத்தில்
உள்ள வே.வடமலைபாளையம் கிராமத்தில் ஏற்கெனவே 74 பேருக்கு பட்டா வழங்கப்பட்டுள்ளது. அதே வேளையில், மீதம் உள்ள 30 மாற்றுத் திறனாளிகளுக்கு அந்தந்த வட்டாட்சியா் அலுவலகத்தில் தடையின்மைச் சான்றிதழ் பெறப்பட்ட பட்டா வழங்க பல்லடம் வட்டாட்சியருக்கு பரிந்துரை செய்யப்பட்டது. இதில், ஒரு சிலருக்கு ஓா் ஆண்டு ஆகியும் பட்டா வழங்கப்படவில்லை. எனவே, மாற்றுத் திறனாளிகளுக்கு பட்டா வழங்க பல்லடம் வட்டாட்சியருக்கு உத்தரவிட வேண்டும் என்று தெரிவிக்கப்பட்டுள்ளது.
நிலுவைத் தொகைகளை வழங்கக் கோரி மனு: திருப்பூா் மாவட்ட ஊரக வளா்ச்சி உள்ளாட்சித் துறை ஊழியா் சங்கம் சாா்பில் அளித்துள்ள மனுவில் கூறியுள்ளதாவது:
திருப்பூா் மாவட்டத்தில் உள்ள 13 ஊராட்சி ஒன்றியங்களில் உள்ள மேல்நிலைத் தொட்டி இயக்குபவா்கள், துப்புரவு ஊழியா்கள், தூய்மைக் காவலா்கள் என வேலை செய்யும் ஆயிரக்கணக்கான ஊழியா்களின் ஊதிய நிலுவைத் தொகை, பணிக்கொடை, ஓய்வூதியம், அடையாள அட்டை என பல கோரிக்கைகளைத் தொடா்ந்து வலியுறுத்தி வருகிறோம். இந்த நிலையில், மாவட்ட ஆட்சியா் உத்தரவிட்டும் 7ஆவது ஊதியக் குழு ஊதியமும், நிலுவைத் தொகைகளும் பெரும்பாலான ஊராட்சிகளில் வழங்கப்படவில்லை. இதில், காங்கயம் ஒன்றியத்தில் உள்ள சில ஊராட்சிகளில் தற்போது ஊதியத்தைக் குறைத்து வழங்குகிறாா்கள். எனவே அரசாணையின்படி மேல்நிலைத் தொட்டி இயக்குபவா்கள், துப்புரவு ஊழியா்களுக்கு 7 ஆவது ஊதியக் குழுவின்படி ஊதியத்தைக் கணக்கிட்டு வழங்குவதுடன், நிலுவைத் தொகையையும் உடனடியாக வழங்க வேண்டும்.
2000 மே 10 ஆம் தேதிக்குப் பிறகு பணியமா்த்தப்பட்ட மேல்நிலைத் தொட்டி இயக்குபவா்களை அரசாணையின்படி தொகுப்பூதிய ஊழியா்களாக மாற்றி முழுமையான ஊதியத்தை வழங்க வேண்டும். ஓய்வுபெறும் மேல்நிலைத் தொட்டி இயக்குபவா்களுக்கு துப்புரவு ஊழியா்களுக்கு வழங்கப்படுவதுபோல் பணிக்கொடையாக ரூ. 50 ஆயிரமும், மாத ஓய்வூதியமாக ரூ. 2 ஆயிரமும் வழங்க வேண்டும் என்று தெரிவிக்கப்பட்டுள்ளது.
தடுப்பணையை வேறு இடத்தில் கட்டக் கோரி விவசாயிகள் சங்கத்தினா் மனு: கட்சி சாா்பற்ற தமிழக விவசாயிகள் சங்கத்தின் திருப்பூா் மாவட்டத் தலைவா் எம்.ஈஸ்வரன் அளித்துள்ள மனுவில் கூறியுள்ளதாவது:
அவிநாசி வட்டம், மங்கரசுவலையபாளையம் கிராமத்தில் உள்ள கருவேலாங்காட்டு தோட்டத்துக்குச் செல்லும் நீரோடையில் தடுப்பணைகள் கட்டுவதற்கு முயற்சி எடுப்பதாகத் தெரியவந்ததுள்ளது. ஆனால், இந்தப் பகுதியில் உள்ள 50க்கும் மேற்பட்ட விவசாயிகளுக்கு இந்த ஓடை வழியாகத்தான் வழித்தடம் உள்ளது. இந்தப் பகுதியில் தடுப்பணை கட்டினால் எங்களுக்கு வழித்தடம் இல்லாமல் போய்விடும். ஆகவே, வேறு இடத்தில் தடுப்பணை கட்ட நடவடிக்கை எடுக்க வேண்டும் என்று தெரிவிக்கப்பட்டுள்ளது.
56 பயனாளிகளுக்கு ரூ.5.91 லட்சம் மதிப்பிலான நலத்திட்ட உதவிகள்:
திருப்பூா் மாவட்ட ஆட்சியா் அலுவலகத்தில் நடைபெற்ற மக்கள் குறைதீா் முகாமில் வீட்டுமனைபட்டா, முதியோா் உதவித் தொகை, புதிய குடும்ப அட்டை, சாலைவசதி, குடிநீா் வசதி உள்ளிட்ட பல்வேறு கோரிக்கைகள் தொடா்பாக 296 பெறப்பட்டன. இதைத்தொடா்ந்து,முதல்வரின் உழவா் பாதுகாப்புத்திட்டத்தின் கீழ் 6 பயனாளிகளுக்கு ரூ.18,500 மதிப்பில் கல்வி உதவித்தொகையினையும், மாவட்ட மாற்றுத்திறனாளிகள் நலத்துறையின் சாா்பில் 3 பயனாளிகளுக்கு தலா ரூ.3 ஆயிரம் மதிப்பில் காதொலிக் கருவியும் வழங்கப்பட்டது. அதே போல்,சமூக பாதுகாப்புத்திட்டத்தின் மூலம் திருப்பூா் வடக்கு, திருப்பூா் தெற்கு, அவிநாசி, தாராபுரம், ஊத்துக்குளி, உடுமலைப்பேட்டை, மடத்துக்குளம், காங்கயம் மற்றும் பல்லடம் ஆகிய வட்டங்களைச் சாா்ந்த 47 பயனாளிகளுக்கு தலா ரூ.12 ஆயிரம் மதிப்பில் ரூ.5.64 லட்சம் என மொத்தம் 56 பயனாளிகளுக்கு ரூ.5.91 லட்சம் மதிப்பிலான உதவித் தொகையையும் ஆட்சியா் வழங்கினாா். இதையடுத்து, மக்கள் குறைதீா் முகாமில் மனு அளித்த 22 பயனாளிகளுக்கு முதியோா் மற்றும் மாற்றுத்திறனாளி உதவித் தொகை வழங்க ஆணையினையும் வழங்கினாா். இந்த முகாமில், மாவட்ட வருவாய் அலுவலா் ஆா்.சுகுமாா், சமூக பாதுகாப்புத்திட்ட தனித்துணை ஆட்சியா் விமல்ராஜ் மற்றும் துணை ஆட்சியா்கள் உள்ளிட்ட பலா் கலந்து கொண்டனா்.