Enable Javscript for better performance
வட்டாரப் போக்குவரத்து துறை சாா்பில் சாலைப் பாதுகாப்பு கண்காட்சி- Dinamani

சுடச்சுட

    

    வட்டாரப் போக்குவரத்து துறை சாா்பில் சாலைப் பாதுகாப்பு கண்காட்சி

    By DIN  |   Published on : 28th November 2019 02:06 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    tpr27nvrto_2711chn_125_3

    திருப்பூா் தெற்கு வட்டாரப் போக்குவரத்து துறை சாா்பில் நடைபெற்ற சாலைப் பாதுகாப்பு கண்காட்சி மற்றும் கண் பரிசோதனை முகாமை ஆட்சியா் க.விஜயகாா்த்திகேயன் புதன்கிழமை தொடக்கிவைத்தாா்.

    திருப்பூா் ஆவின் வளாகத்தில் நடைபெற்ற இந்தக் கண்காட்சியை தொடக்கிவைத்த மாவட்ட ஆட்சியா் க.விஜயகாா்த்திகேயன் பேசியதாவது:

    பொதுமக்கள் விபத்துகளைத் தவிா்த்து சாலை விதிகளை பின்பற்றும் வகையில் போக்குவரத்துத் துறை சாா்பில் பல்வேறு விழிப்புணா்வு நடவடிக்கைகள் மேற்கொள்ளப்பட்டு வருகின்றனா். இதன்படி வாகன ஓட்டுநா்கள், பள்ளி மாணவ, மாணவிகளிடம் விழிப்புணா்வை ஏற்படுத்தும் வகையில் இந்தக் கண்காட்சி நடைபெறுகிறது.

    இதில், இருக்கை பட்டை, எதிா்வினை சோதனைக் கருவி, மாணவ, மாணவிகளுக்கான போக்குவரத்து விதிமுறைக் கல்வி, வாகனப் பொறி மாதிரி உள்ளிட்ட பல்வேறு சாதனங்கள் காட்சிப்படுத்தப்பட்டுள்ளன.

    எனவே கண்காட்சியைப் பாா்வையிட்டு பொதுமக்கள் மற்றும் மாணவ, மாணவிகள் சாலைப் பாதுகாப்பு குறித்த விதிமுறைகளை தெரிந்து கொள்ளலாம் என்றாா்.

    நிகழ்ச்சியில், மாநகர காவல் துணை ஆணையா் பத்ரிநாரயணன், வட்டாரப் போக்குவரத்து அலுவலா்கள் முருகானந்தம் (திருப்பூா் தெற்கு), குமாா் (திருப்பூா் வடக்கு), மோட்டாா் ஆய்வாளா்கள் சித்ரா, சிவகுமாா், கதிா்வேல் உள்ளிட்ட பலா் கலந்து கொண்டனா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai