அவிநாசியில் ரூ.16.53 லட்சத்துக்கு பருத்தி ஏலம்

அவிநாசி வேளாண்மை உற்பத்தியாளா் கூட்டுறவு விற்பனை சங்கத்தில் புதன்கிழமை நடைபெற்ற பருத்தி ஏலத்தில் ரூ.16.53 லட்சத்துக்கு வா்த்தகம் நடைபெற்றது.

இந்த வாரம் நடைபெற்ற பருத்தி ஏலத்தில் 957 மூட்டைகள் கொண்டு வரப்பட்டன. இதில் ஆா்.சி.எச். ரகப் பருத்தி குவிண்டால் ரூ.4, 800 முதல் ரூ.5,450 வரையிலும், டி.சி.எச். ரகப் பருத்தி ரூ.5,200 முதல் ரூ.5,650 வரையிலும், மட்டரகப் பருத்தி ரூ.2,000 முதல் ரூ.3,000 வரையிலும் ஏலம் போனது. மொத்தம் ரூ.16 லட்சத்து 53 ஆயிரத்துக்கு ஏலம் நடைபெற்றது.