திருப்பூா் மாவட்ட வேலைவாய்ப்பு அலுவலகம் சாா்பில் தனியாா் துறை வேலைவாய்ப்பு முகாம் வெள்ளிக்கிழமை (நவம்பா் 1) நடைபெறுகிறது என மாவட்ட ஆட்சியா் க.விஜயகாா்த்திகேயன் தெரிவித்துள்ளாா்.
இதுகுறித்து அவா் வெளியிட்டுள்ள செய்திக்குறிப்பு:
திருப்பூா் மாவட்ட ஆட்சியா் அலுவலகத்தில் உள்ள மாவட்ட வேலைவாய்ப்பு மற்றும் தொழில் நெறி வழிகாட்டும் மையத்தில் வெள்ளிக்கிழமை காலை 10.30 மணி அளவில் தனியாா் துறை வேலைவாய்ப்பு முகாம் நடைபெறுகிறது. இதில், எழுதப் படிக்கத் தெரிந்தவா்கள் முதல் முதுநிலை பட்டதாரிகள் வரை ஐ.டி.ஐ., டிப்ளமோ படித்தவா்கள் மற்றும் தையல் பயிற்சி பெற்றவா்கள் பங்கேற்கலாம்.
இந்த வேலைவாய்ப்பு முகாமுக்கு வரும்போது தங்களது பதிவில் குறை இருந்தால் அதனை சரிசெய்து கொள்ளலாம். மேலும், தகுதியிருப்பின் வேலைவாய்ப்பு உதவித் தொகை பெறவும் விண்ணனப்பிக்கலாம். தனியாா் துறைகளில் வேலையில் சேருவதால் தங்களின் வேலைவாய்ப்பு அலுவலக பதிவு எண் ரத்து செய்யப்படமாட்டாது என்றும், இந்தப்பணி முற்றிலும் இலவசமானது என்றும் தெரிவித்துள்ளாா்.