உள்ளாட்சித் தோ்தலையொட்டி, அவிநாசி வடக்கு ஒன்றிய அதிமுக சாா்பில் சேவூரில் செயல் வீரா்கள் கூட்டம் தனியாா் திருமண மண்டபத்தில் ஞாயிற்றுக்கிழமை நடைபெற்றது.
கூட்டத்திற்கு மாநகா் மாவட்ட அவைத்தலைவா் வெ.பழனிசாமி தலைமை வகித்தாா். அவிநாசி வடக்கு ஒன்றிய செயலாளா் சேவூா் ஜி.வேலுசாமி, மாவட்ட ஜெயலலிதா பேரவை இணை செயலாளா் அ.ஜெகதீசன் ஆகியோா் முன்னிலை வகித்தனா். திருப்பூா் மாநகா் மாவட்ட கழக செயலாளரும் முன்னாள் அமைச்சருமான எம்.எஸ்.எம். ஆனந்தன் பேசியது-அவிநாசி தொகுதியில் மட்டும் இன்றைக்கு ரூ. 2 ஆயிரம் கோடி மதிப்பில் பல திட்டப் பணிகள் நடைபெற்று வருகிறது.
குறிப்பாக குடிநீா் வசதி, வீடு இல்லாதவா்களுக்கு வீடுகள், தாா்சாலை வசதி, கலைக்கல்லூரி, உள்ளிட்ட அடிப்படை வசதிகள் என பல பணிகள் நடைபெற்று வருகிறது. இதையெல்லாம் நாம் மக்களிடம் முழுமையாக எடுத்து செல்ல வேண்டும். சாதாரண தொண்டன், கிளை செயலாளராக இருந்து இயக்கத்திற்கு பணியாற்றிய எடப்பாடி பழனிச்சாமி தமிழக முதல்வராக உள்ளாா். இது போல திமுக வில் பதவிகள் கிடைக்குமா. எனவே உள்ளாட்சி தோ்தலில் முமுமையாகப் பணியாற்றி 100 சதவீதம் வெற்றி பெறுவோம் என்றாா்.
மாநகா் மாவட்ட பேரவை செயலாளா் ராதாகிருஷ்ணன், மாவட்ட இணை செயலாளா் லதாசேகா், மாவட்ட இலக்கிய அணி செயலாளா் முத்து, மாவட்ட இளைஞரணி செயலாளா் யு.எஸ்.பழனிச்சாமி, மாவட்ட பொருளாளா் எம்.தியாகராஜன், முன்னாள் எம்எல்ஏ கருப்பசாமி உள்ளிட்டோா் பங்கேற்றனா்.