Enable Javscript for better performance
சிவன்மலை ஜேசீஸ் மெட்ரிக். பள்ளி நாட்டு நலப்பணித் திட்ட சிறப்பு முகாம்- Dinamani

சுடச்சுட

    

    சிவன்மலை ஜேசீஸ் மெட்ரிக். பள்ளி நாட்டு நலப்பணித் திட்ட சிறப்பு முகாம்

    By DIN  |   Published on : 29th September 2019 12:20 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!


    காங்கயம், சிவன்மலை ஜேசீஸ் மெட்ரிக். மேல்நிலைப் பள்ளி மாணவர்களின் நாட்டு நலப்பணித் திட்டத்தின் 7 நாள் சிறப்பு முகாம் சிவன்மலை அருகே உள்ள ராமபட்டினம் கிராமத்தில் அண்மையில் தொடங்கி நடைபெற்று வருகிறது.
     நலமான இளைஞர்-வளமான பாரதம் எனும் நோக்கத்தை பிரதானமாகக் கொண்டு செயல்பட்டு வரும் இம்முகாமினை காங்கயம் வட்டார வளர்ச்சி அலுவலர் மகுடேஸ்வரி துவக்கி வைத்தார். இதில் பெரியார் பல்கலைக்கழக செனட் உறுப்பினர் ஆதலையூர் சூர்யகுமார் சிறப்பு அழைப்பாளராகக் கலந்துகொண்டு மாணவர்களிடையே உரையாற்றினார்.
      முகாமில் ராமபட்டினம் ஊராட்சி ஒன்றியத் துவக்கப்பள்ளி வளாகத்தில் உள்ள முள்புதர்களை அகற்றி சுத்தம் செய்தனர். மேலும் இருசக்கர வாகன ஓட்டிகள் தலைக்கவசம் அணிவதன் அவசியம் குறித்த விழிப்புணர்வு பேரணியும் நடைபெற்றது.
     இந்நிகழ்ச்சியில் பள்ளியின் தலைவர் ஏ.கோபால், தாளாளர் சி.பழனிசாமி, பொருளாளர் மோகனசுந்தரம், பள்ளியின் இயக்குநர் பி.சாவித்திரி, பள்ளி முதல்வர் சுப்பிரமணி, நாட்டு நலப்பணித் திட்ட அலுவலர் பாபு, உதவித் திட்ட அலுவலர் பிரகாஷ் ஆகியோர் கலந்து கொண்டனர்.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai