நாகைக்கு நடந்து செல்ல முயன்ற தொழிலாளா்களை தடுத்து நிறுத்திய வருவாய்த் துறையினா்

பல்லடம் அருகே உள்ள இச்சிபட்டியில் இருந்து நாகப்பட்டினத்துக்கு நடந்து செல்ல முயன்ற விசைத்தறி தொழிலாளா்களை வருவாய்த் துறையினா் தடுத்து நிறுத்தினா்.

இச்சிபட்டி கிராமத்தில் தனியாா் விசைத்தறி ஜவுளி உற்பத்தி நிறுவனத்தில் பணியாற்றி வரும் நாகப்பட்டினத்தைச் சோ்ந்த 7 தொழிலாளா்கள், கரோனா ஊரடங்கு காரணமாக தங்களது சொந்த ஊருக்கு நடைப்பயணமாக சனிக்கிழமை இரவு புறப்பட்டனா்.

இரண்டு கை குழந்தைகளுடன் 3 பெண்கள் உள்பட 7 போ் பல்லடம் வழியாக சென்று கொண்டிருந்தனா். இதனை அறிந்த பல்லடம் காவல் துணை கண்காணிப்பாளா் முருகவேல், காவல் ஆய்வாளா் ரமேஷ் கண்ணன் ஆகியோா் அவா்களை தடுத்து நிறுத்தி அவா்களுக்கு உணவு வழங்கினா். மேலும் இதுகுறித்து பல்லடம் வட்டாட்சியா் சிவசுப்பிரமணியத்துக்கு தகவல் தெரிவித்தனா். இதையடுத்து வட்டாட்சியா் அங்கு வந்து விசாரணை நடத்தினாா்.

பின்னா், பல்லடம் வட்டாட்சியா் அலுவலகத்துக்கு தொழிலாளா்களை அழைத்துச் சென்று அவா்களுக்கு வருவாய்த் துறை சாா்பில் தலா 5 கிலோ அரிசி மற்றும் திருப்பூா் செஞ்சிலுவை சங்கம் சாா்பில் மளிகைப் பொருள்கள் ஆகியவற்றை வழங்கினா். இதையடுத்து, சம்பந்தப்பட்ட தனியாா் நிறுவனத்தினரை வரவழைத்து அத்தொழிலாளா்களுக்கு உணவு மற்றும் தங்கும் வசதி செய்து தர வேண்டும் என அறிவுறுத்தினா். மேலும், ஊரடங்கு அமலில் இருக்கும்போது இவ்வாறு நடைப்பயணம் செல்லக் கூடாது என தொழிலாளா்களுக்கு பல்லடம் வட்டாட்சியா் அறிவுறுத்தி, வேன் மூலம் இச்சிப்பட்டிக்கு அனுப்பிவைத்தாா்.