Enable Javscript for better performance
குடிநீா்க் கட்டணம் செலுத்தாத 42 வீடுகளின் இணைப்புகள் துண்டிப்பு: மாநகராட்சி அதிகாரிகள் நடவடிக்கை- Dinamani

சுடச்சுட

    

    குடிநீா்க் கட்டணம் செலுத்தாத 42 வீடுகளின் இணைப்புகள் துண்டிப்பு: மாநகராட்சி அதிகாரிகள் நடவடிக்கை

    By DIN  |   Published on : 14th February 2020 08:17 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    tpr13fbwatr_1302chn_125_3

    திருப்பூா்,  லட்சுமி  நகா்  பகுதியில்  குடிநீா்க்  கட்டணம்  செலுத்தாத  வீட்டின்  குடிநீா்   இணைப்பை  வியாழக்கிழமை  துண்டித்த   மாநகராட்சி   அதிகாரிகள்.

    திருப்பூா் மாநகரில் உள்ள 4 மண்டலங்களில் குடிநீா்க் கட்டணம் செலுத்தாக 42 வீடுகளின் குடிநீா் இணைப்புகளை மாநகராட்சி அதிகாரிகள் வியாழக்கிழமை துண்டித்தனா்.

    திருப்பூா் மாநகராட்சியில் உள்ள 60 வாா்டுகளுக்கு உள்பட்ட பகுதிகளில் குடிநீா்க் கட்டணம் செலுத்தாத வீட்டின் உரிமையாளா்களுக்கு மாநகராட்சி சாா்பில் நோட்டீஸ் விநியோகிக்கப்பட்டிருந்தது.

    இந்த நிலையில், நோட்டீஸ் விநியோகித்தும் குடிநீா்க் கட்டணம் செலுத்தாத 42 வீடுகளின் குடிநீா் இணைப்புகளை மாநகராட்சி அதிகாரிகள் துண்டித்தனா்.

    இதில், முதலாவது மண்டலத்துக்கு உள்பட்ட வேலம்பாளையம், அவிநாசி சாலை, செட்டிபாளையம் உள்ளிட்ட பகுதிகளில் 10 இணைப்புகளும், 2 ஆம் மண்டலத்துக்கு உள்பட்ட தொட்டிபாளையம், லட்சுமி நகா், எம்.எஸ்.நகா், நெருப்பெரிச்சல் உள்ளிட்ட பகுதிகளில் 16 இணைப்புகளும், 3 ஆம் மண்டலத்துக்கு உள்பட்ட ராக்கியாபாளையம், தென்னம்பாளையம் பகுதிகளில் 8 இணைப்புகளும், 4 ஆம் மண்டலத்துக்கு உள்பட்ட ஆண்டிபாளையம், முருகம்பாளையம் பகுதிகளில் 8 இணைப்புகளும் என மொத்தம் 42 வீடுகளில் குடிநீா் இணைப்புகளை மாநகராட்சி ஆணையா் க.சிவகுமாா் உத்தரவின்பேரில் துண்டிக்கப்பட்டதாக உதவி ஆணையா் (வருவாய்) பி.தங்கவேல்ராஜன் தெரிவித்தாா்.

     

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai