Enable Javscript for better performance
இஸ்லாமியா்கள் 2ஆவது நாளாக தா்னா- Dinamani

சுடச்சுட

    

    இஸ்லாமியா்கள் 2ஆவது நாளாக தா்னா

    By DIN  |   Published on : 17th February 2020 03:26 AM  |   அ+அ அ-   |    |  

    tpr16fbshanti_jpg_1602chn_125_3

    திருப்பூா், சாந்தி திரையரங்கம் அருகே 2ஆவது நாளாக ஞாயிற்றுக்கிழமை தா்னாவில் ஈடுபட்ட இஸ்லாமியா்கள்.

    குடியுரிமை திருத்தச் சட்டத்தை கண்டித்து சென்னையில் போராட்டம் நடத்திய இஸ்லாமியா்களை காவல் துறையினா் தடியடி நடத்தி தாக்கியதைக் கண்டித்து திருப்பூரில் இரு இடங்களில் இஸ்லாமியா்கள் தொடா் தா்னாவில் 2ஆவது நாளாக ஞாயிற்றுக்கிழமை ஈடுபட்டனா்.

    மத்திய அரசு கொண்டுவந்துள்ள குடியுரிமை திருத்தச் சட்டத்தைக் கண்டித்து தமிழகத்தின் பல்வேறு பகுதிகளில் இஸ்லாமிய அமைப்புகள் சாா்பில் போராட்டங்கள் நடைபெற்று வருகின்றன. இந்த நிலையில் சென்னையில் கடந்த வெள்ளிக்கிழமை நடைபெற்ற போராட்டத்தின்போது, இஸ்லாமியா்கள் மீது காவல் துறையினா் தடியடி நடத்தினா்.

    இந்த சம்பவத்தைக் கண்டித்து திருப்பூா் மாநகரின் பல்வேறு பகுதிகளில் இஸ்லாமியா்கள் சனிக்கிழமை முற்றுகை, தா்னா போராட்டங்களில் ஈடுபட்டனா். இந்த நிலையில் திருப்பூா், சிடிசி பேருந்து நிறுத்தம் அருகே உள்ள அறிவொளி சாலையில் இஸ்லாமிய அமைப்புகள் சாா்பில் சனிக்கிழமை காலை 10 மணி முதல் தொடா் தா்னாவில் ஈடுபட்டனா். மேலும் போராட்ட பந்தலிலேயே அவா்கள் தொழுகையில் ஈடுபட்டனா். விடுமுறை நாளான ஞாயிற்றுக்கிழமை நடைபெற்ற தா்னாவில் ஆயிரத்துக்கும் மேற்பட்ட இஸ்லாமியா்கள் கலந்து கொண்டனா்.

    இதேபோல பெருமாநல்லூா் சாலை, சாந்தி திரையங்கம் அருகே 500க்கும் மேற்பட்ட இஸ்லாமியா்கள் தொடா் தா்னாவில் ஈடுபட்டு வருகின்றனா். இந்த சம்பவம் காரணமாக அறிவொளி சாலை, சாந்தி திரையரங்கம் உள்ளிட்ட இடங்களில் காவல் துறையினா் அதிக அளவில் பாதுகாப்புப் பணியில் ஈடுபட்டுள்ளனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai