பொலிவுறு நகரம் திட்ட வளா்ச்சிப் பணிகள் குறித்து ஆட்சியா் ஆலோசனை

திருப்பூா் மாநகரில் பொலிவுறு நகரம் (ஸ்மாா்ட் சிட்டி) திட்ட வளா்ச்சிப் பணிகள் தொடா்பான ஆலோசனைக் கூட்டம் வெள்ளிக்கிழமை நடைபெற்றது.

இக்கூட்டத்துக்கு மாவட்ட ஆட்சியா் க.விஜயகாா்த்திகேயன் தலைமை வகித்தாா். திருப்பூா் தெற்கு சட்டப்பேரவை உறுப்பினா் சு.குணசேகரன் முன்னிலை வகித்தாா்.

இதில், திருப்பூா் மாநகராட்சிக்கு உள்பட்ட பகுதியின் வளா்ச்சிக்காக விரிவடைந்த பகுதிகளில் குடிநீா் அபிவிருத்தி திட்டம், திறந்தவெளி காலியிடம் மேம்பாடு செய்தல், ஒருங்கிணைந்த மேலாண்மை மற்றும் கட்டுப்பாட்டு மையம், புதிய குடிநீா் திட்டப் பணிகள், பாதாள சாக்கடை திட்டப் பணிகள், மாநாட்டு அரங்கம் கட்டுதல், நவீன பேருந்து நிலையம், பல அடுக்கு வாகனம் நிறுத்துமிடம், எல்.இ.டி. தெருவிளக்குகள், சூரிய ஒளி மூலம் மின்சாரம் தயாரிக்கும் ஆலை அமைத்தல் போன்றவை குறித்து ஆலோசனை நடத்தப்பட்டது.

அதேபோல தினசரி, வாரச்சந்தை மேம்படுத்துதல், பூ மற்றும் மீன் மாா்க்கெட் மேம்படுத்துதல், ஓடைகள் மேம்பாடு செய்தல், சாலை மேம்படுத்துதல், சங்கிலிப்பள்ளம் ஓடை ஓரமாக தாராபுரம் சாலை முதல் நொய்யல் ஆற்றின் தெற்கு கரையோரம் வரை மேம்பாலம் உள்ளிட்ட பணிகள் தொடா்பாக சம்பந்தப்பட்ட துறை அலுவலா்களுடன் ஆட்சியா் க.விஜயகாா்த்திகேயன் ஆலோசனை நடத்தினாா். மேலும், வளா்ச்சிப் பணிகளை விரைவாக முடிக்க வேண்டும் என அறிவுறுத்தினாா்.

இக்கூட்டத்தில் மாநகராட்சி ஆணையா் க.சிவகுமாா், திருப்பூா் கோட்டாட்சியா் கவிதா, மாநகர பொறியாளா் ரவி, மாநகராட்சி செயற்பொறியாளா்கள் திருமுருகன், முகமது சபியுல்லா, உதவி ஆணையா்கள், மாநகராட்சி அலுவலா்கள், நிட்மா தலைவா் அகில் ரத்தினசாமி உள்பட பலா் கலந்து கொண்டனா்.