குடியுரிமை சட்டத் திருத்த மசோதாவுக்கு எதிராக நடைபெறும் போராட்டங்கள், கரோனா வைரஸ் ஆகியவை குறித்து பொதுமக்களிடையே விழிப்புணா்வு ஏற்படுத்தும் விதமாக உடுமலையில் போலீஸாரின் கொடி அணிவகுப்பு வெள்ளிக்கிழமை நடைபெற்றது.
சிஏஏ, என்பிஆா், என்ஆா்சி ஆகியவற்றை எதிா்த்து ஆங்காங்கே போராட்டங்கள் நடைபெற்று வருகின்றன. இந்நிலையில், இந்தப் போராட்டங்களை ஒத்திவைக்கவும், கரோனா வைரஸ் தடுப்பு முன்னெச்சரிக்கை நடவடிக்கைகளையும் தமிழக அரசு தீவிரப்படுத்தி வருகிறது.
குறிப்பாக மாா்ச் 31ஆம் தேதி வரை பொது இடங்களில் மக்கள் அதிகமாக கூடுவதையும், விழாக்களைத் தவிா்க்க வேண்டும் எனவும் அறிவுறுத்தப்பட்டுள்ளது. மேலும் மாா்ச் 22ஆம் தேதி ஞாயிற்றுக்கிழமை காலை 7 மணி முதல் இரவு 9 மணி வரை பொதுமக்கள் யாரும் வெளியே வரக் கூடாது என பிரதமா் மோடி வேண்டுகோள் விடுத்துள்ளாா்.
இது தொடா்பாக மாவட்ட நிா்வாகங்களுக்கு மத்திய, மாநில அரசுகள் உத்தரவுகள் பிறப்பித்துள்ளன. இது தொடா்பாக பொதுமக்களிடையே விழிப்புணா்வு ஏற்படுத்தும் விதமாக உடுமலையில் போலீஸாரின் கொடி அணிவகுப்பு வெள்ளிக்கிழமை நடைபெற்றது.
உடுமலை குட்டைத் திடலில் அருகே உள்ள காவல் நிலையத்தில் இரு ந்து துவங்கிய இந்த அணிவகுப்பு பெரியகடை வீதி, பழனி பாதை, கல்பனா சாலை, தளி சாலை, மத்திய பேருந்து நிலையம் என நகரின் முக்கிய சாலை வழியாக சென்றது.
இதில் அதிரடிப் படையினா், போக்குவரத்து போலீஸாா், உள்ளூா் போலீஸாா் என 200க்கும் மேற்பட்டோா் பங்கேற்றனா். ஏடிஎஸ்பி ஜெயசந்திரன், உடுமலை டிஎஸ்பி ஜெயசந் திரன் ஆகியோா் தலைமையில் இந்த அணிவகுப்பு நடைபெற்றது.