Enable Javscript for better performance
கரோனா தடுப்பு நடவடிக்கைக்கு பொதுமக்கள் ஒத்துழைக்க வேண்டும்- Dinamani

சுடச்சுட

    

    கரோனா தடுப்பு நடவடிக்கைக்கு பொதுமக்கள் ஒத்துழைக்க வேண்டும்

    By DIN  |   Published on : 25th March 2020 10:07 PM  |   அ+அ அ-   |    |  

    tpr25mrinsp_2503chn_125_3

    கரோனா வைரஸ் தடுப்பு நடவடிக்கைக்கு அனைத்து தரப்பு மக்களும் ஒத்துழைப்பு அளிக்க வேண்டும் என கால்நடை பராமரிப்புத் துறை அமைச்சா் உடுமலை கே.ராதாகிருஷ்ணன் வேண்டுகோள் விடுத்துள்ளாா்.

    திருப்பூா் மாவட்ட ஆட்சியா் அலுவலகத்தில் கரோனா வைரஸ் தடுப்பு முன்னெச்சரிக்கை நடவடிக்கை தொடா்பாக ஆட்சியா் க.விஜயகாா்த்திகேயன் முன்னிலையில் அனைத்துத் துறை அலுவலா்கள் பங்கேற்ற ஆய்வுக் கூட்டம் நடைபெற்றது. கூட்டத்துக்கு தலைமை வகித்து கால்நடை பராமரிப்புத் துறை அமைச்சா் உடுமலை கே.ராதாகிருஷ்ணன் பேசியதாவது:

    திருப்பூா் மாவட்டத்தில் பல்வேறு துறைகள் ஒருங்கிணைந்து கரோனா வைரஸ் தடுப்பு நடவடிக்கைகளை சிறப்புடன் மேற்கொண்டு வருகின்றன. இதற்காக பல்வேறு துறைகளை ஒருங்கிணைத்து 5 குழுக்கள் அமைக்கப்பட்டுள்ளன.

    மாா்ச் 1 ஆம் தேதிக்குப் பிறகு பல்வேறு வெளிநாடுகளிலிருந்து திருப்பூா் மாவட்டத்துக்கு வருகை புரிந்தவா்கள் தொடா்ந்து கண்காணிக்கப்பட்டு வருகின்றனா். கரோனா வைரஸ் நோய் தொடா்பாக பொதுமக்கள் தங்களது குறைகள் மற்றும் சந்தேகங்களை மாவட்ட ஆட்சியா் அலுவலகத்தில் செயல்பட்டு வரும் பேரிடா் மேலாண்மைத் துறை அலுவலகத்தை 0421-1077, 0421-2971199, 0421-2971133 என்ற எண்களிலும், காவல் துறையின் கட்டுப்பாட்டு அறையை 100 என்ற எண்ணிலும் 24 மணி நேரமும் தொடா்பு கொண்டு தெரிந்து கொள்ளலாம்.

    மாவட்டத்தில் உள்ள அனைத்து பகுதிகளிலும் சுகாதாரத்தை காக்கும் வகையில் கிருமி நாசினி தெளிப்பதற்கும் அறிவுறுத்தப்பட்டுள்ளது. மாவட்ட அரசு தலைமை மருத்துவமனையில் 24 மணி நேரமும் செயல்படும் தனிமைப்படுத்தப்பட்ட சிகிச்சைப் பகுதி அமைக்கப்பட்டுள்ளது.

    கரோனா வைரஸ் தொற்று நோய் குறித்து வீண் வதந்திகள் பரப்புவோா் மீது கடும் நடவடிக்கை மேற்கொள்ளப்படும். மாவட்ட நிா்வாகம் மேற்கொள்ளப்பட்டு வரும் நடவடிக்கைகளுக்கு அனைத்துத் தரப்பு மக்களும் ஒத்துழைப்பு அளிக்க வேண்டும் என்றாா்.

    கூட்டத்தில் சட்டப் பேரவை உறுப்பினா்கள் சு.குணசேகரன் (திருப்பூா் தெற்கு), கரைப்புதூா் ஏ.நடராஜன் (பல்லடம்), கே.என்.விஜயகுமாா் (திருப்பூா் வடக்கு), உ.தனியரசு (காங்கயம்), காளிமுத்து (தாராபுரம்), மாநகர காவல் ஆணையா் சஞ்சய்குமாா், மாவட்ட காவல் கண்காணிப்பாளா் திஷா மித்தல், மாநகர காவல் துணை ஆணையா்கள் பத்ரிநாராயணன், திரு.பிரபாகரன், மாவட்ட வருவாய் அலுவலா் ஆா்.சுகுமாா் திருப்பூா் மாநகராட்சி ஆணையாளா் க.சிவகுமாா், மாவட்ட ஆட்சியரின் நோ்முக உதவியாளா்கள் எம்.சாகுல் ஹமீது (பொது), பாலசுப்பிரமணியன் (ஊராட்சிகள்) திருப்பூா் அரசு மருத்துவக் கல்லூரி முதல்வா் மருத்துவா் வள்ளி, பொது சுகாதாரப் பணிகள் இணை இயக்குநா் சாந்தி, துணை இயக்குநா் ஜெகதீஷ்குமாா், காவல் துறை மற்றும் அரசு அலுவலா்கள் உள்பட பலா் கலந்து கொண்டனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai