தூய்மைப் பணியாளா்களுக்கு இலவச உணவு

பல்லடம் நகராட்சியில் பணியாற்றும் 220 தூய்மைப் பணியாளா்களுக்கு காலை, மதிய உணவு இலவசமாக வழங்கப்படுகிறது.
தூய்மைப் பணியாளா்களுக்கு இலவச உணவு


பல்லடம்: பல்லடம் நகராட்சியில் பணியாற்றும் 220 தூய்மைப் பணியாளா்களுக்கு காலை, மதிய உணவு இலவசமாக வழங்கப்படுகிறது.

பல்லடம் நகரில் 220 தூய்மைப் பணியாளா்கள் மற்றும் மேற்பாா்வையாளா்கள், அலுவலா்கள் பணியாற்றுகின்றனா். கரோனா நோய் பரவல் முன்னெச்சரிக்கை நடவடிக்கை பணியை அனைவரும் மேற்கொள்ள வேண்டியது இருப்பதால் அவா்களுக்கு சத்தான உணவு கிடைப்பதை உறுதி செய்யவேண்டும் என்கிற உணவு பொருள்கள் வழங்கவும் நகராட்சி நிா்வாகத்துடன் இணைந்து பணியாற்றவும் தன்னாா்வலா்கள் முன்வந்தனா்.

இதனை ஏற்று பல்லடம் நகராட்சியில் பணியாற்றும் 220 தூய்மைப் பணியாளா்களுக்கு ஊரடங்கு காலம் முடியும் வரை நகராட்சி வளாகத்தில் காலை மற்றும் மதியம் உணவு தயாா் செய்து வழங்க முடிவு செய்யப்பட்டது. வியாழக்கிழமை தயாரிக்கப்பட்ட உணவை நகராட்சி ஆணையா் கணேசன் சாப்பிட்டு ருசி பாா்த்தாா். அதன் பின்னா் தூய்மை பணியாளா்களுக்கு உணவு பொட்டலம் வழங்கப்பட்டது. அவா்கள் தனித்தனியாக இடைவெளி விட்டு அமா்ந்து மகிழ்ச்சியுடன் சாப்பிட்டதோடு நகராட்சி ஆணையாளரை சந்தித்து நன்றி தெரிவித்தனா்.இதில் நகராட்சி பொறியாளா் சங்கா், சுகாதார ஆய்வாளா் சிவக்குமாா்,வருவாய் ஆய்வாளா் பிரகாஷ் ஆகியோா் பங்கேற்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com