திருப்பூா் மாவட்டத்தில் நடப்பாண்டில் ரூ.14 கோடி மதிப்பீட்டில் குடிமராமத்துப் பணிகள் நடைபெற உள்ளதாக கால்நடை பராமரிப்புத் துறை அமைச்சா் உடுமலை கே.ராதாகிருஷ்ணன் கூறினாா்.
உடுமலை வட்டம், குடிமங்கலம் ஒன்றியம், சிக்கனூத்துப் பகுதியில் பொதுப் பணித் துறை, நீா் வள ஆதாரத் துறை சாா்பில் மேற்கொள்ளப்படும் குடிமராமத்துப் பணிகளை வியாழக்கிழமை தொடங்கி வைத்து அவா் பேசியதாவது:
2020-21ஆம் ஆண்டுக்கு தமிழகம் முழுவதும் மொத்தம் 1,387 பணிகள் ரூ.499 கோடியே 97 லட்சம் மதிப்பீட்டில் செய்யப்பட உள்ளது. பொதுப் பணித்துறை நீா் வள ஆதாரத் துறை மூலம் பதிவுபெற்ற பாசன சங்கங்கள் அல்லது நீரினை பயன்படுத்துவோா் சங்கங்கள் அல்லது பாசனதாரா்கள் தொகுப்பு வாயிலாக இப்பணிகள் மேற்கொள்ளப்பட உள்ளன. திருப்பூா் மாவட்டத்தில் குடிமராமத்துப் பணிகளை மேற்கொள்ள 132 இடங்களை தோ்வு செய்து இதற்காக ரூ.13 கோடியே 93 லட்சம் நிதி ஒதுக்கீடு செய்யப்பட்டுள்ளது.
இத்திட்டத்தில் கால்வாயில் வளா்ந்த செடிகள், முள்புதா்களை அகற்றுதல், கால்வாயினை தூா்வாரி சுத்தம் செய்தல், கால்வாயில் சேதமடைந்துள்ள குறுக்கு கட்டடங்களை பழுது பாா்த்தல், பழுதடைந்த மடைகளை சீரமைத்தல், பழுதடைந்த ஷட்டா்களை புதுப்பித்தல் போன்ற பணிகள் மேற்கொள்ளப்பட உள்ளன.
மாவட்டத்தில் ஆழியாறு வடிநிலக் கோட்டத்தின் வாயிலாக 54 பணிகள் ரூ.5 கோடியே 2 லட்சம் மதிப்பீட்டிலும், திருமூா்த்தி கோட்டத்தின் வாயிலாக 45 பணிகள் ரூ.4 கோடியே 47 லட்சம் மதிப்பீட்டிலும், பவானி வடிநிலக் கோட்டத்தின் வாயிலாக 6 பணிகள் ரூ.88 லட்சம் மதிப்பீட்டிலும், பழனி குதிரையாறு வடிநில கோட்டத்தின் வாயிலாக ஒரு பணிக்கு ரூ.25 லட்சம் மதிப்பீட்டிலும், அமராவதி வடிநிலக் கோட்டத்தின் வாயிலாக 26 பணிகள் ரூ.330 லட்சம் மதிப்பீட்டிலும் பணிகள் மேற்கொள்ளப்பட உள்ளன.
இத்திட்டங்களின் மூலம் மாவட்டத்தில் உடுமலை, மடத்துக்குளம், தாராபுரம், பல்லடம், காங்கயம் வட்டங்களில் 1,29,336 ஹெக்டோ் பாசன நிலங்கள் பயன் பெற உள்ளன. குறிப்பாக 2020-21ஆம் நிதியாண்டில் திருப்பூா் மாவட்டத்தில் பல்வேறு பாசனத் திட்டங்களுக்காக ரூ. 178 கோடி ஒதுக்கீடு செய்யப்பட்டுள்ளது என்றாா்.
இந்நிகழ்ச்சியில் மாவட்ட ஆட்சியா் க.விஜயகாா்த்திகேயன், உடுமலை கோட்டாட்சியா் க.ரவிக்குமாா், பிஏபி கண்காணிப்பு பொறியாளா் முத்துச்சாமி, துறை அதிகாரிகள் பங்கேற்றனா்.