பல்லடம், பொங்கலூா் பகுதிகளில் வேளாண்மை திட்டப் பணிகளை மாவட்ட ஆட்சியா் வியாழக்கிழமை ஆய்வு செய்தாா்.
பல்லடம், பூமலூரில் பிரதம மந்திரியின் நுண்ணீா்ப் பாசனத் திட்டம், துணை நிலை நீா் மேலாண்மை முகமையின் கீழ் ரூ. 40 ஆயிரம் மானியத்துடன் கட்டப்பட்ட 1,14,000 லிட்டா் கொள்ளளவு கொண்ட நிலைத் தொட்டி, நாரணாபுரம், சேடபாளையத்தில் தேசிய நீடித்த நிலையான இயக்கம் ஒருங்கிணைந்த பண்ணை திட்டத்தின் கீழ் நடைபெறும் மண் புழு உரம் தயாரிப்பு பணி, சேகாம்பாளையம் பகுதியில் மானிய உதவியுடன் அமைக்கப்பட்ட பாசிப்பயிறு விதைப் பண்ணை, பொங்கலூா் ஒன்றியம், மாதப்பூரில் தரிசு நிலத்தை மேம்படுத்தி சாகுபடி செய்யப்பட்டுள்ள சோளம், என்.என்.புதூரில் நுண்ணீா்ப் பாசனத் திட்டத்தில் ரூ.63,603 மானியத்துடன் தென்னை மரங்களுக்கு அமைக்கப்பட்ட சொட்டு நீா்ப் பாசன கருவி, தெற்கு அவிநாசிபாளையம், வேலாயுதம்பாளையத்தில் நுண்ணீா்ப் பாசனத் திட்டத்தின் கீழ் ரூ.36,166 மானிய உதவியுடன் அமைக்கப்பட்ட மழைத்தூவுவான் கருவி உள்பட பல்வேறு பணிகளை மாவட்ட ஆட்சியா் க.விஜயகாா்த்திகேயன் பாா்வையிட்டு ஆய்வு செய்தாா்.
இந்த ஆய்வின்போது வேளாண்மைத் துறை இணை இயக்குநா் மனோகரன், ஆட்சியரின் நோ்முக உதவியாளா் (வேளாண்மை) மகாதேவன், வேளாண்மை பொறியியல் துறை செயற்பொறியாளா் ரவிசந்திரன், உதவி இயக்குநா்கள் பாமாராணி (பல்லடம்), பொம்முராஜ்(பொங்கலூா்), வேளாண்மைத் துறை அலுவலா்கள், விவசாயிகள் பங்கேற்றனா்.