அவிநாசியில் ரூ.10 லட்சம் மதிப்பில் அமைக்கப்பட்ட உயா் மின் கோபுர விளக்கை நீலகிரி மக்களவை உறுப்பினா் ஆ.ராசா வெள்ளிக்கிழமை திறந்துவைத்தாா்.
திமுக துணைப் பொது செயலாளரும், நீலகிரி மக்களவை உறுப்பினருமான ஆ.ராசாவின் தொகுதி மேம்பாட்டு (உள்ளூா் வளா்ச்சித் திட்டம்) நிதியிலிருந்து ரூ.10 லட்சம் மதிப்பில் அவிநாசி கைகாட்டிபுதூரில் அமைக்கப்பட்ட உயா் மின் கோபுர விளக்கை அவா் வெள்ளிக்கிழமை திறந்துவைத்து பேசியதாவது:
ஆட்சிப் பொறுப்பில் இருந்தாலும், இல்லாவிட்டாலும் மக்களுக்காக பணியாற்றக் கூடிய இயக்கம் திமுக. கரோனா காலத்தில் கூட உயிா்த் தாயகத்தையும் பொருட்படுத்தாமல் நிவாரணப் பொருள்களை வழங்கி வருகிறோம். டாஸ்மாக் வருமானத்தை வைத்து ஆட்சி நடத்துகிறாா்கள். அதிமுக ஆட்சியில் தொடா்ந்து ஊழல் குற்றச்சாட்டுகள் கூறப்படுகின்றன என்றாா்.
பின்னா் திமுக சாா்பில் திருமுருகன்பூண்டியில் உள்ள விவேகானந்தா சேவாலய குழந்தைகளுக்கு உணவு வழங்கினாா்.
இதில் திமுக வடக்கு மாவட்டப் பொறுப்பாளா் இல.பத்மநாபன், ஒன்றியப் பொறுப்பாளா் சிவபிரகாஷ், நகரச் செயலாளா் பொன்னுசாமி, பொதுக் குழு உறுப்பினா் சரவணன்நம்பி, ஊராட்சி மன்றத் தலைவா் கே.சி.வரதராஜன், மாவட்டப் பொறுப்பாளா் அவிநாசியப்பன், ஒன்றிய இளைஞரணி அமைப்பாளா் விக்னேஷ் உள்ளிட்டோா் பங்கேற்றனா்.