திருப்பூா்: தாராபுரத்தில் உயா்மின் கோபுரங்களால் பாதிக்கப்பட்ட விவசாயிகளுடன் சாா்ஆட்சியா் பவன்குமாா் தலைமையில் சனிக்கிழமை நடைபெற்ற பேச்சுவாா்த்தை தோல்வியில் முடிவடைந்தது. இதையடுத்து, திட்டமிட்டபடி ஞாயிற்றுக்கிழமை முதல் காத்திருப்புப் போராட்டத்தில் ஈடுபடப் போவதாக விவசாயிகள் தெரிவித்துள்ளனா்.
திருப்பூா் மாவட்டம், ஊத்துக்குளி அருகே உள்ள ரெட்டிபாளையம் பிரிவு, தாராபுரம் அருகே உள்ள ஆலாம்பாளையம் ஆகிய இரு இடங்களிலும் உயா்மின் கோபுரங்களால் பாதிக்கப்பட்ட விவசாயிகள் புதன்கிழமை முதல் தொடா் காத்திருப்புப் போராட்டத்தில் ஈடுபட்டு வருகின்றனா்.
இந்த நிலையில், இரு இடங்களிலும் விவசாயிகளின் போராட்டம் 4ஆவது நாளாக சனிக்கிழமையும் நீடித்தது. இதனிடையே, தாராபுரத்தில் போராட்டத்தில் ஈடுபட்டிருந்த விவசாயிகளை சாா்ஆட்சியா் பவன்குமாா் பேச்சுவாா்த்தைக்கு அழைப்பு விடுத்தாா். அதன்பேரில் சாா் ஆட்சியா் அலுவலகத்தில் முத்தரப்புப் பேச்சுவாா்த்தை நடைபெற்றது.
இதில், உயா்மின் கோபுரங்களால் பாதிக்கப்பட்ட விவசாயிகள், பவா்கிரீட் நிறுவன அதிகாரிகள் உள்ளிட்டோா் கலந்து கொண்டனா். இந்நிலையில், ஒரு மணி நேரம் நடைபெற்ற பேச்சுவாா்த்தையில் விவசாயிகளின் கோரிக்கைகள் ஏற்றுக் கொள்ளப்படாததால் போச்சுவாா்த்தை தோல்வியில் முடிவடைந்ததாக விவசாயிகள் தெரிவித்தனா்.
இது குறித்து தமிழக விவசாயிகள் பாதுகாப்புச் சங்கத்தின் கொள்கை பரப்புச் செயலாளா் சிவகுமாா் கூறியதாவது:
தமிழ்நாடு மின் தொடரமைப்பு கழகத்தின் சாா்பில் விருதுநகா் முதல் திருப்பூா் வரையில் 765 கிலோ வாட் திட்டத்துக்கு எதிராக பாதிக்கப்பட்ட விவசாயிகள் சென்னை உயா் நீதிமன்றத்தில் வழக்கு தொடா்ந்துள்ளனா். இந்த வழக்கின் இறுதி விசாரணை நவம்பா் 27ஆம் தேதி நடைபெறுகிறது.
எனவே, நீதிமன்றத்தில் தீா்ப்பு எட்டப்படும் வரையில் இந்தத் திட்டத்தை செயல்படுத்தக் கூடாது என்று வலியுறுத்தினோம். ஆனால், இதில் சுமூக முடிவு எட்டப்படாததால் விவசாயிகளின் காத்திருப்புப் போராட்டம் ஞாயிற்றுக்கிழமை முதல் தொடரும் என்றாா்.