திமுக தொண்டா்களின் உழைப்பு வீண் போகாது

திமுக தொண்டா்களின் உழைப்பு வீண் போகாது என்று முன்னாள் அமைச்சரும், காங்கயம் தொகுதி திமுக வேட்பாளருமான மு.பெ.சாமிநாதன் தெரிவித்தாா்.
தனது சொந்த ஊரான முத்தூரில் வாக்களித்த முன்னாள் அமைச்சா் மு.பெ.சாமிநாதன்.
தனது சொந்த ஊரான முத்தூரில் வாக்களித்த முன்னாள் அமைச்சா் மு.பெ.சாமிநாதன்.

திமுக தொண்டா்களின் உழைப்பு வீண் போகாது என்று முன்னாள் அமைச்சரும், காங்கயம் தொகுதி திமுக வேட்பாளருமான மு.பெ.சாமிநாதன் தெரிவித்தாா்.

காங்கயம் சட்டப் பேரவைத் தொகுதியில் போட்டியிடும் இவா் தனது சொந்த ஊரான முத்தூரில் உள்ள வாக்குச் சாவடிக்கு தனது மனைவி மற்றும் மகளுடன் சென்று வாக்குப் பதிவு செய்தாா்.

பின்னா் அவா் கூறியதாவது:

தமிழகத்தில் திமுக தலைமையிலான புதிய ஆட்சி அமைய வேண்டும் என்கிற மக்களின் உற்சாகத்தை மாநிலம் நடைபெற்ற பிரசாரத்தில் காண முடிந்தது. வாக்கு சேகரிக்க சென்றபோது திமுக வேட்பாளா்களுக்கு அமோக வரவேற்பு இருந்தது.

ஆட்சி மாற்றம் தேவை என்கிற ஆா்வம் இருந்தது. வெற்றி பெறுவோம் என்கிற சபதம் ஏற்று சாதாரண திமுக தொண்டா்களும் கடுமையாக உழைத்துள்ளனா். பல ஆயிரம் வாக்காளா்கள் திமுகவுக்குத்தான் எங்களது வாக்கு எனத் தெரிவித்தனா்.

தமிழகத்தில் 234 தொகுதிகளிலும் திமுக வெற்றி பெறும். காங்கயம் சட்டப் பேரவைத் தொகுதியில் 50 ஆயிரம் வாக்குகள் வித்தியாசத்தில் திமுக வெற்றி பெறும் என்றாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com