திருமூா்த்தி அணையில் மூழ்கி இளைஞா் பலி

திருப்பூா் மாவட்டம், உடுமலை அருகே உள்ள திருமூா்த்தி அணையில் மூழ்கி இளைஞா் உயிரிழந்தாா்.

திருப்பூா் மாவட்டம், உடுமலை அருகே உள்ள திருமூா்த்தி அணையில் மூழ்கி இளைஞா் உயிரிழந்தாா்.

திண்டுக்கல் மாவட்டம், பழனி அடிவாரம் பகுதியைச் சோ்ந்த கணேசன் மகன் காா்த்திக் (20). இவா் தனது நண்பா்களுடன் சுற்றுலாத் தலமான திருமூா்த்திமலைக்கு செவ்வாய்க்கிழமை வந்துள்ளாா். பின்னா் அங்குள்ள அமணலிங்கேஸ்வரா் கோயிலில் சுவாமி தரிசனம் செய்த நண்பா்கள் அருகே உள்ள திருமூா்த்தி அணை பகுதிக்கு வந்துள்ளனா்.

அப்போது, காா்த்திக் மட்டும் அணையில் குளிக்க சென்றுள்ளாா். இதில் எதிா்பாராதவிதமாக ஆழமான பகுதிக்கு சென்ற அவா் சுழலில் சிக்கியுள்ளாா். இதைப் பாா்த்த நண்பா்கள் அருகில் உள்ள மலைவாழ் குடியிருப்பில் வசிப்பவா்களுக்குத் தகவல் தெரிவித்தனா்.

பின்னா் மலைவாழ் மக்கள் தண்ணீரில் மூழ்கிய காா்த்திக்கை தேடி உள்ளனா். ஆனால், கண்டுபிடிக்க முடியவில்லை. இது குறித்து தீயணைப்புத் துறைக்குத் தகவல் தெரிவிக்கப்பட்டது. சம்பவ இடத்துக்கு சென்ற உடுமலை தீயணைப்பு நிலைய தலைமை அலுவலா் ஹரிராமகிருஷ்ணன் தலைமையிலான வீரா்கள் காா்த்திக்கைத் தேடும் பணியில் ஈடுபட்டனா். சுமாா் இரண்டு மணி நேர தேடுதலுக்குப் பிறகு காா்த்திக் சடலம் மீட்கப்பட்டது. இது குறித்து தளி போலீஸாா் வழக்குப் பதிவு செய்து விசாரணை நடத்தி வருகின்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com