காங்கயம் அருகே சிவன்மலை முருகன் கோயிலில் ஆடி அமாவாசையை முன்னிட்டு சிறப்பு வழிபாடு ஞாயிற்றுக்கிழமை நடைபெற்றது.
ஆடி அமாவாசையை முன்னிட்டு ஞாயிற்றுக்கிழமை அதிகாலை கோயில் நடை திறக்கப்பட்டு கோமாதா பூஜை நடைபெற்றது. பின்னா் காலை 6 மணிக்கு ஆடி விழா பூஜை நடைபெற்றது. காலை 6:30 மணிக்கு சிறப்பு பூஜை நடைபெற்றது.
பின்னா் பகல் 12 மணிக்கு உச்சிகால பூஜையும், அதனைத் தொடா்ந்து சிறப்பு அலங்காரத்தில் கோயில் உள் பிரகாரத்தில் சுவாமி உலா நிகழ்ச்சி நடைபெற்றது. இந்நிகழ்ச்சியில் சிவாச்சாரியாா்கள், இந்து சமய அறநிலையத் துறை அதிகாரிகள் மட்டும் கலந்துகொண்டனா்.