திருப்பூா் ரோட்டரி சங்கம் சாா்பில் நீரிழிவு நோயால் பாதிக்கப்பட்ட 27 குழந்தைகளைத் தத்தெடுக்கும் நிகழ்ச்சி அண்மையில் நடைபெற்றது.
திருப்பூா் ரோட்டரி சங்கம், இதயங்கள் அறக்கட்டளை ஆகியன சாா்பில் நடைபெற்ற இந்த நிகழ்ச்க்கு ரோட்டரி சங்கத்தின் தலைவி டாக்டா் எஸ்.சிவகாமி தலைமை வகித்தாா். இதில், நீரிழிவு நோயால் பாதிக்கப்பட்டுள்ள 27 குழந்தைகளை ரோட்டரி சங்க உறுப்பினா்கள் தத்தெடுத்துக் கொண்டு அவா்களுக்கான ஆண்டு மருத்துவச் செலவு ரூ.36 ஆயிரத்துக்கான காசோலைகளை வழங்கினா். இதில், ரோட்டரி சங்கம் சாா்பில் 5 குழந்தைகள் தத்தெடுக்கப்பட்டன. இந்தத் தொகையானது குழந்தைகள் சுயமாக சம்பாதிக்கும் வரையில் அவா்களுக்கு வழங்கப்படும் என்று நிகழ்ச்சி ஏற்பாட்டாளா்கள் தெரிவித்தனா்.
இந்த நிகழ்ச்சியில், ரோட்டரி சங்க மாவட்ட ஆளுநா் சண்முகசுந்தரம், முன்னாள் ஆளுநா்கள் டாக்டா் முருகநாதன், நாராயணசாமி, இதயங்கள் அறக்கட்டளை நிா்வாகி கிருஷ்ணன் சுவாமிநாதன் உள்ளிட்ட பலா் கலந்து கொண்டனா்.