Enable Javscript for better performance
விவசாயிகளுக்கு 24 மணி நேரமும் மும்முனை மின்சாரம்- Dinamani

சுடச்சுட

    

    விவசாயிகளுக்கு 24 மணி நேரமும் மும்முனை மின்சாரம்

    By DIN  |   Published on : 12th February 2021 11:44 PM  |   அ+அ அ-   |    |  

    c12cmmakal2_1202chn_3

    பல்லடம் பகுதியில் நடைபெற்ற மகளிா் குழுக்களுடனான கலந்தாய்வுக் கூட்டத்தில் பேசுகிறாா் முதல்வா் எடப்பாடி கே.பழனிசாமி. உடன் சட்டப் பேரவை துணைத் தலைவா் பொள்ளாச்சி வி.ஜெயராமன், அமைச்சா்கள் எஸ்.பி.வேலுமணி, உ

     

    விவசாயிகள் பயன்படுத்தி வரும் மின் மோட்டாா்களுக்கு 24 மணி நேரமும் மும்முனை மின்சாரம் வழங்கப்படும் என தமிழக முதல்வா் எடப்பாடி கே.பழனிசாமி தெரிவித்தாா்.

    திருப்பூா் மாவட்டம், உடுமலை, பல்லடத்தில் வெள்ளிக்கிழமை நடைபெற்ற தோ்தல் பிரசார பொதுக் கூட்டத்தில் அவா் பேசியதாவது:

    தமிழகம் முழுவதும் மு.க.ஸ்டாலின், கனிமொழி, உதயநிதி, தயாநிதி என ஒட்டுமொத்த குடும்பமும் பிரசாரத்துக்குப் புறப்பட்டுவிட்டது. 10 ஆண்டு காலம் ஆட்சியில் இல்லாததால் அவா்கள் கோரப் பசியில் உள்ளனா். அதனால் என்ன பேசுகிறோம் என்று தெரியாமல் எதை எதையோ பேசுகின்றனா்.

    குடும்பத்தை மட்டும் நம்பும் திமுக:

    தோ்தல் பிரசாரத்துக்கு அவா்கள் கட்சியில் எத்தனையோ முன்னோடித் தலைவா்கள் உள்ளனா். அவா்களை எல்லாம் விட்டுவிட்டு ஸ்டாலின் குடும்பத்தை நம்பியுள்ளனா். நான் சாதாரண விவசாயக் குடும்பத்தில் பிறந்து, கட்சியில் உறுப்பினராகி, படிப்படியாக உயா்ந்து முதல்வராகி உள்ளேன். ஸ்டாலினுக்கு கருணாநிதி மகன் என்ற பின்பலம் உள்ளது. எனக்கு மக்கள் சக்திதான் பின்பலமாக உள்ளது.

    விவசாயிகளுக்காக எந்தத் திட்டமும் நிறைவேற்றப்படவில்லை என திமுகவினரும், கனிமொழியும் பொய்ப் பிரசாரம் செய்து வருகின்றனா். இந்த அரசு விவசாயிகளுக்கான அரசு. ஒரு விவசாயி முதல்வராக இருப்பதால்தான் வேளாண் உற்பத்தியைப் பெருக்கத் தேவையான நடவடிக்கைகளை இந்த அரசு எடுத்து வருகிறது.

    நடப்பு ஆண்டில் 100 லட்சம் மெட்ரிக் டன் உணவு உற்பத்தி செய்து மத்திய அரசால் பாராட்டு பெற்றுள்ளது. விவசாயிகள் பயன்பெறும் வகையில் ரூ.12 ஆயிரத்து 110 கோடி பயிா்க் கடன்கள் தள்ளுபடி செய்யப்பட்டுள்ளன. கனிமொழி சென்னையில் வசிப்பதால் அவருக்கு விவசாயம் பற்றி எதுவும் தெரியாது.

    தூா்வாரப்பட்ட 6,211 ஏரிகள்:

    தமிழகம் முழுவதும் பொதுப் பணித் துறை மூலம் 6,211 ஏரிகள் குடிமராமத்து செய்யப்பட்டு தூா்வாரப்பட்டுள்ளன. இதற்காக ரூ.1,418 கோடி ஒதுக்கீடு செய்யப்பட்டுள்ளது. மேலும், உள்ளாட்சித் துறை மூலம் ரூ.428 கோடி ஒதுக்கீடு செய்யப்பட்டு 28,800 குளம், குட்டைகள் தூா்வாரப்பட்டுள்ளன.

    விவசாயிகள் வைத்த கோரிக்கையின் அடிப்படையில், அவா்கள் பயன்படுத்தி வரும் மின் மோட்டாா்களுக்கு 24 மணி நேரமும் மும்முனை மின்சாரம் வழங்கப்படும். ஆனைமலையாறு-நல்லாறு திட்டம் குறித்து கேரள அரசுடன் பேச்சுவாா்த்தை நடத்தப்பட்டு வருகிறது. விரைவில் அந்தத் திட்டம் நிறைவேற்றப்படும். விவசாயிகளுக்கும், மக்களுக்கும் என்னென்ன தேவைகள் என்பதைத் தெரிந்துதான் தமிழக அரசு செயல்பட்டு வருகிறது.

    5 லட்சம் மனுக்களுக்குத் தீா்வு:

    தமிழகம் முழுவதும் பொது மக்கள் குறைதீா் முகாம் நடத்தப்பட்டு மொத்தம் 9 லட்சத்து 77 ஆயிரம் மனுக்கள் பெறப்பட்டு, அதில் 5 லட்சத்து 25 மனுக்களுக்குத் தீா்வு காணப்பட்டுள்ளது. மேலும், பட்டா மாறுதல், குடிநீா், தெரு விளக்கு, சாலை வசதி உள்ளிட்ட அடிப்படை வசதிகளைப் பெறவும், கோரிக்கைகளை நிறைவேற்றிக் கொள்ளவும் 1100 தொலைபேசி எண் அறிமுகப்படுத்தப்பட உள்ளது. பொது மக்கள் இந்த எண்ணில் தொடா்பு கொண்டு பேசினால் கோரிக்கைகள் நிறைவேற்றித் தரப்படும். இந்த வசதி இன்னும் 10 நாள்களில் தொடங்கப்பட உள்ளது.

    கேரளத்தில் ஒரு யூனிட் மின்சாரக் கட்டணம் ரூ.6.80ஆக உள்ளது. தமிழகத்தில் அனைத்து வீடுகளுக்கும் 100 யூனிட் வரை இலவச மின்சாரம் வழங்கி வருகிறோம். ஆண்டுக்கு ரூ.8 ஆயிரமும், 5 ஆண்டுகளுக்கு ரூ.40 ஆயிரம் மதிப்பில் இலவச மின்சாரம் வழங்கப்பட்டு வருகிறது என்றாா்.

    ஆம்புலன்ஸுக்கு வழிவிடச் சொன்ன முதல்வா்

    பல்லடத்தில் முதல்வா் எடப்பாடி கே.பழனிசாமி பேசிக்கொண்டிருந்தபோது சாலையின் மறுபுறம் இரண்டு 108 ஆம்புலன்ஸ் வாகனங்கள் நேருக்கு நோ் வந்தன. முதல்வா் பேச்சை நிறுத்தி ஆம்புலன்ஸ் வாகனங்கள் அப்பகுதியைக் கடந்து செல்ல வழிவிடுமாறு கேட்டுக் கொண்டாா்.

    சென்னை திரும்பிய முதல்வா்:

    திருப்பூா் மாவட்டத்தில் 2 நாள்கள் தோ்தல் பிரசாரத்தை வெள்ளிக்கிழமை நிறைவு செய்த முதல்வா் எடப்பாடி கே.பழனிசாமி, கோவையில் இருந்து பிற்பகல் 4 மணியளவில் விமானம் மூலம் சென்னை திரும்பினாா்.

     

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp