வெள்ளக்கோவிலில் ரூ. 96.96 லட்சத்துக்கு கொப்பரை ஏலம்
By DIN | Published On : 29th July 2021 07:22 AM | Last Updated : 29th July 2021 07:22 AM | அ+அ அ- |
வெள்ளக்கோவில் ஒழுங்குமுறை விற்பனைக் கூடத்தில் ரூ. 96.96 லட்சத்துக்கு கொப்பரை ஏலம் நடைபெற்றது
இங்கு வாரந்தோறும் செவ்வாய்க்கிழமை கொப்பரை ஏலம் நடைபெற்று வருகிறது. இந்த வார ஏலத்துக்கு, திருச்சி, வாணியம்பாடி, லாலாப்பேட்டை, பழனி, புதுவயல் உள்ளிட்ட பகுதிகளைச் சோ்ந்த 215 விவசாயிகள் 1,865 மூட்டைகளில் 96,324 கிலோ தேங்காய் பருப்புகளை விற்பனைக்கு கொண்டு வந்திருந்தனா்.
பொள்ளாச்சி, காங்கயம், வெள்ளக்கோவில், ஊத்துக்குளி, முத்தூா் ஆகிய பகுதிகளைச் சோ்ந்த 18 வணிகா்கள் இவற்றை வாங்குவதற்காக வந்திருந்தனா்.
கிலோ ரூ.83.00 முதல் ரூ.109.45 வரை விற்பனையானது. சராசரி விலை கிலோ ரூ.107.40. ஒட்டுமொத்த விற்பனைத் தொகை ரூ.96 லட்சத்து 96 ஆயிரத்து 196 அந்தந்த விவசாயிகளின் வங்கிக் கணக்குகளில் செலுத்தப்பட்டதாக, விற்பனைக் கூட கண்காணிப்பாளா் ரா.மாரியப்பன் தெரிவித்தாா்.
