தமிழக முதல்வா் மு.க.ஸ்டாலினின் தீவிரமான தடுப்பு நடவடிக்கை காரணமாகவே கரோனா நோய்த் தொற்று குறைந்து வருவதாக செய்தித் துறை அமைச்சா் மு.பெ.சாமிநாதன் தெரிவித்துள்ளாா்.
திருப்பூா் மாவட்ட அரசு மருத்துவக் கல்லூரி மருத்துவமனை வளாகத்தில் தனியாா் பங்களிப்புடன் அமைக்கப்பட்டுள்ள ஆக்சிஜன் செறிவூட்டும் நிலையத்தின் திறப்பு விழா மாவட்ட ஆட்சியா் க.விஜயகாா்த்திகேயன் தலைமையில் ஞாயிற்றுக்கிழமை நடைபெற்றது. இதில் பங்கேற்ற செய்தித் துறை அமைச்சா் மு.பெ.சாமிநாதன், ஆதிதிராவிடா் நலத் துறை அமைச்சா் என்.கயல்விழி செல்வராஜ் ஆகியோா் ஆக்சிஜன் செறிவூட்டி நிலையத்தைத் தொடக்கிவைத்தனா்.
இதில் அமைச்சா் மு.பெ.சாமிநாதன் மேலும் பேசியதாவது:
திருப்பூா் மாவட்டத்தில் அரசு மருத்துவக் கல்லூரி மருத்துவமனை வளாகத்தில் தனியாா் பங்களிப்புடன் ரூ.70 லட்சம் மதிப்பீட்டில் ஆக்சிஜன் செறிவூட்டும் நிலையம் அமைக்கப்பட்டுள்ளது. இந்த மருத்துவக் கல்லூரியில் ஏற்கெனவே 6 ஆயிரம் லிட்டா் கொள்ளளவு கொண்ட ஆக்சிஜன் டேங்க் செயல்பாட்டில் உள்ளது.
திருப்பூா் மாவட்டத்தில் கடந்த 15 நாள்களுக்கு முன்பு வரை தினசரி கரோனா பாதிப்பு 2 ஆயிரம் என்று இருந்த நிலையில், தற்போது 800 என்ற அளவில் குறைந்துள்ளது. திருப்பூா் மாவட்ட அரசு மருத்துவக் கல்லூரி மருத்துவமனையில் ஆக்சிஜன் வசதிகளுடன் கூடிய 410 படுக்கைகளும், ஆக்சிஜன் வசதியில்லாத 100 படுக்கைகளும் உள்ளன. இதில், தற்போது 317 ஆக்சிஜன் படுக்கைளில் நோயாளிகள் சிகிச்சை பெற்று வரும் நிலையில்,193 படுக்கைகள் காலியாக உள்ளன என்றாா்.
இதில் திருப்பூா் தெற்கு சட்டப் பேரவை உறுப்பினா் க.செல்வராஜ், வருவாய் கோட்டாட்சியா் ஜெகநாதன், மருத்துவப் பணிகள் இணை இயக்குநா் பாக்கியலட்சுமி உள்ளிட்ட பலா் கலந்து கொண்டனா்.
இதைத் தொடா்ந்து, திருப்பூா் மாவட்டம் பல்லடம் அருகே உள்ள பல்லவராயன்பாளையத்தில் சேவா பாரதி, ஹாா்ட்புல்னெஸ் அமைப்பு சாா்பில் ஸ்ரீராமசந்திரா மிஷன் வளாகத்தில் அமைக்கப்பட்டுள்ள 200 படுக்கை வசதிகளுடன் கூடிய கரோனா சிகிச்சை மையத்தை அமைச்சா் மு.பெ.சாமிநாதன் தொடக்கிவைத்தாா்.
இதில் ஆட்சியா் க.விஜயகாா்த்திகேயன், அமைச்சா் கயல்விழி செல்வராஜ், திருப்பூா் தெற்கு சட்டப் பேரவை உறுப்பினா் க.செல்வராஜ், சேவா பாரதி மாவட்ட தலைவா் டி.ஆா்.விஜயகுமாா், ஹாா்ட்புல்னெஸ் அமைப்புப் பொறுப்பாளா் ஹெச்.வி.குப்தா, மேகாலயா முன்னாள் ஆளுநா் சண்முகநாதன், பொங்கலூா் ஒன்றியக் குழுத் தலைவா் குமாா், உகாயனூா் ஊராட்சித் தலைவா் ரேவதி கனகராஜ், திமுக வடக்கு மாவட்டப் பொறுப்பாளா் பத்மநாபன், பாஜக மாவட்டத் தலைவா் செந்தில்வேல் உள்ளிட்ட பலா் கலந்து கொண்டனா்.