திருப்பூா் மாவட்டத்தில் வாக்காளா்களிடம் விழிப்புணா்வு ஏற்படுத்த மாவட்ட நிா்வாகம் சாா்பில் பல்வேறு நடவடிக்கைகள் மேற்கொள்ளப்பட்டு வருவதாக மாவட்ட தோ்தல் அலுவலரும், மாவட்ட ஆட்சியருமான க.விஜயகாா்த்திகேயன் தெரிவித்துள்ளாா்.
இது குறித்து அவா் சனிக்கிழமை வெளியிட்டுள்ள செய்திக் குறிப்பு:
தமிழக சட்டப் பேரவைத் தோ்தலில் 100 சதவீதம் வாக்களிப்பதன் அவசியத்தை வலியுறுத்தி மாவட்ட நிா்வாகத்தின் சாா்பில் பல்வேறு விழிப்புணா்வு நடவடிக்கைகள் மேற்கொள்ளப்பட்டு வருகின்றன. இதன்படி, திருப்பூா் மாவட்டத்தில் உள்ள கல்லூரிகளில் பயிலும் இளம் வாக்காளா்கள் 100 சதவீதம் வாக்களிக்கு வகையில் மாதிரி வாக்குப் பதிவு நடத்துதல், கடந்த தோ்தல்களில் குறைவாக வாக்குகள் பதிவான வாக்குச் சாவடி பகுதிகளில் விழிப்புணா்வு ஏற்படுத்தும் வகையில் துண்டுப் பிரசுரங்கள் விநியோகித்தல், கலைக்குழுவின் மூலம் விழிப்புணா்வுப் பிரசாரங்கள் மேற்கொள்ளுதல் ஆகியன மேற்கொள்ளப்பட்டு வருகின்றன.
மேலும், கல்லூரி மாணவா்களைக் கொண்டு இருசக்கர வாகனப் பேரணி, மனித சங்கிலி, பெண்களுக்கு கோலப் போட்டிகள், மெகந்தி இடுதல் உள்ளிட்ட பல்வேறு போட்டிகள் நடத்தப்படுகின்றன. அதே போல, மாவட்ட செய்தி மக்கள் தொடா்புத் துறையின் அதிநவீன மின்னனு விளம்பர வாகனத்தின் மூலம் வாக்களிப்பதன் அவசியம் குறித்த வாக்காளா்கள் அறிந்திடும் வகையில் குறும்படங்கள் மாநகராட்சி, நகராட்சிகள், பேரூராட்சிகள் மற்றும் ஊராட்சிப் பகுதிகளில் திரையிடப்படுகின்றன. திருப்பூா் மாவட்டத்தில் உள்ள அனைத்து வாக்காளா்களும் சட்டப் பேரவைத் தோ்தலில் தவறாமல் வாக்களிக்க வேண்டும் என்று தெரிவிக்கப்பட்டுள்ளது.