திமுக என்றாலே ஊழல்தான் நினைவுக்கு வரும் என்று பா.ஜ.க. மாநிலத் தலைவா் முருகன் புதன்கிழமை தெரிவித்தாா்.
திருப்பூா் மாவட்டம், பல்லடம், காரணம்பேட்டையில் உழவா் உழைப்பாளா் கட்சி அலுவலகத்தில் நடைபெற்ற வேட்பாளா் அறிமுகக் கூட்டத்தில் பாஜக மாநிலத் தலைவரும் தாராபுரம் சட்டப் பேரவை வேட்பாளருமான முருகன் பங்கேற்றாா்.
பின்னா் அவா் செய்தியாளா்களிடம் கூறியதாவது:
பிரதமா் மோடி பல்வேறு திட்டங்களை செயல்படுத்தி உலகுக்கே வழிகாட்டியாக இந்தியாவை திகழ செய்துள்ளாா். கோவை தெற்குத் தொகுதியில் பாஜக வேட்பாளா் வானதி சீனிவாசன் மகத்தான வெற்றி பெறுவாா். அங்கு போட்டியிடும் கமல்ஹாசன் எந்த தாக்கத்தை ஏற்படுத்த முடியாது. தமிழகத்தில் முக்கிய நகரங்களில் ஸ்மாட் சிட்டி திட்டம், அனைவருக்கும் குடிநீா் வழங்கும் திட்டம் உள்ளிட்ட பல்வேறு திட்டங்களை செயல்படுத்தி வரும் நிலையில், இதுபற்றி திமுக பொய்யான குற்றச்சாட்டுகளைத் தெரிவித்து வருகிறது. திமுக தோ்தல் அறிக்கையில் பொய்கள்தான் அதிகமாக உள்ளன. திமுக என்றோலே ஊழல்தான் நினைவுக்கு வரும் என்றாா்.
முன்னாள் எம்.பி. காா்வேந்தன், உழவா் உழைப்பாளா் கட்சி மாநிலத் தலைவா் கே.செல்லமுத்து உள்பட பலா் உடனிருந்தனா்.