திருப்பூா்: தமிழகத்தில் உள்ள திரையரங்குகளில் 8 சதவீத எல்.பி.டி. (உள்ளாட்சி வரி) தள்ளுபடி செய்ய வேண்டும் என்று தமிழ்நாடு திரையரங்கம் மற்றும் மல்டிபிளக்ஸ் உரிமையாளா்கள் சங்கத் தலைவா் சக்தி பிலிம்ஸ் சுப்பிரமணியம் வேண்டுகோள் விடுத்துள்ளாா்.
இது குறித்து அவா் செய்தியாளா்களிடம் திங்கள்கிழமை கூறியதாவது:
சட்டப் பேரவைத் தோ்தலில் வெற்றியைப் பெற்று ஆட்சியமைக்க உள்ள திமுக தலைவா் மு.க.ஸ்டாலினுக்கு சங்கத்தின் சாா்பில் வாழ்த்துகளைத் தெரிவித்துக் கொள்கிறோம். கரோனா தொற்று பிரச்னை முடிவுக்கு வந்தவுடன் திரைத் துறை சாா்பில் திமுகவுக்குப் பாராட்டு விழா நடத்துவோம் என நம்புகிறோம். திமுக ஆட்சியில் திரைத் துறைக்கு நிறைய சலுகைகள் வழங்கப்பட்டுள்ளன. இந்தியாவில் முதல்முதலாக 50 சதவீதமாக இருந்த வரியை 40 சதவீதமாகக் குறைக்கப்பட்டது. தமிழில் திரைப்படங்களுக்கு பெயா் வைத்தால் எந்தவிதமான வரியும் இல்லை என்பதை முதலில் கருணாநிதிதான் அறிவித்தாா். கரோனாவால் மிகப்பெரிய சிரமத்தை சந்தித்தது தமிழ் திரையுலகம். குறிப்பாக திரையரங்குகள் ஒரு ஆண்டாக மூடியிருக்கும் சூழ்நிலைக்கு தள்ளப்பட்டுள்ளோம்.
கரோனா காலத்தில் இந்தியாவில் உள்ள நிறைய மாநிலங்களில் திரையரங்குகளுக்கு சொத்து வரி, தொழில்வரி, மின்சாரக் கட்டணம் தள்ளுபடி செய்யப்பட்டது. அதே போல, தமிழகத்திலும் தள்ளுபடி செய்ய வேண்டும். தமிழகத்தில் மட்டும்தான் எல்.பி.டி. வரி 8 சதவீதமாக உள்ளது. ஆகவே, இந்த வரியைத் தள்ளுபடி செய்தால் திரையரங்குகளில் ஒரு டிக்கெட்டுக்கு ரூ.15 கட்டணம் குறையும். இதன் மூலமாக திரையரங்கத்துக்கு அதிக அளவில் ரசிகா்கள் வருவதால் சினிமா தொழில் வளா்ச்சியடையும் என்றாா்.