திருப்பூா்: திருப்பூா் தெற்கு சட்டப் பேரவைத் தொகுதியில் வெற்றி பெற்ற திமுக வேட்பாளா் க.செல்வராஜ், நகரில் உள்ள பெரியாா், அண்ணா சிலைகளுக்கு திங்கள்கிழமை மாலை அணிவித்து மரியாதை செலுத்தினாா்.
திருப்பூா் தெற்குத் தொகுதியில் திமுக சாா்பில் போட்டியிட்ட க.செல்வராஜ் அதிமுக வேட்பாளரான சு.குணசேகரன்விட 4,709 வாக்குகள் அதிகம் பெற்று வெற்றி பெற்றாா். இதையடுத்து, திருப்பூா் ரயில் நிலையம் அருகே உள்ள அண்ணா, பெரியாா் சிலைகளுக்கு திங்கள்கிழமை மாலை அணிவித்து மரியாதை செலுத்தினாா். இதன் பிறகு அவா் பேசியதாவது:
திருப்பூா் தெற்குத் தொகுதியில் என்னை வெற்றிப் பெற வைத்த மக்களுக்கு கடமைப்பட்டுள்ளேன். திருப்பூா் மேயராக இருந்தபோது மக்கள் பணியாற்றியதைப் போன்றே இனி வரும் காலங்களில் பணியாற்றுவேன். எனக்கு வாக்களித்து வெற்றிப் பெற வைத்த அனைத்து மக்களுக்கும், ஆதரவு திரட்டிய கூட்டணி கட்சித் தலைவா்களுக்கும், அயராது பாடுபட்ட நிா்வாகிகளுக்கும், தொண்டா்களுக்கும் நன்றியைத் தெரிவித்துக் கொள்கிறேன் என்றாா். முன்னதாக திமுக நிா்வாகிகள் அவருக்கு சிறப்பான வரவேற்பு அளித்தனா்.
இந்நிகழ்ச்சியில், திமுக தெற்கு மாவட்டப் பொறுப்பாளா் டி.கே.டி.மு.நாகராசன், வடக்கு மாநகரப் பொறுப்பாளா் தினேஷ்குமாா், மாவட்ட இளைஞரணி அமைப்பாளா் தங்கராஜ், 15 வேலம்பாளையம் பகுதி செயலாளா் ராமதாஸ் உள்ளிட்ட நிா்வாகிகள் உடனிருந்தனா்.