திருப்பூா் மாவட்டத்தில் கரோனா நோய்த் தொற்றால் பாதிக்கப்பட்டவா்களுக்கு சேவாபாரதி, ஆா்.எஸ்.எஸ்., சாா்பில் ஆயுஷ் 64 மருந்து விநியோகிக்கும் பணி சனிக்கிழமை தொடங்கியது.
தமிழகம் முழுவதும் கரோனா நோய்த் தொற்றால் பாதிக்கப்பட்டவா்களுக்கு சேவாபாரதி, ஆா்.எஸ்.எஸ்., சாா்பில் ஆயுஷ் 64 மருந்து இலவசமாக விநியோகம் செய்யப்பட்டு வருகிறது. இதன் ஒரு பகுதியாக திருப்பூா் ஹாா்வி குமாரசாமி திருமண மண்டபத்தில் ஆயுஷ் 64 மருந்து விநியோகிக்கும் பணி தொடங்கப்பட்டது.
இதில், மாவட்டம் முழுவதும் கரோனா நோய்த் தொற்றால் பாதிக்கப்பட்டவா்களுக்கு இந்த அமைப்புகளின் தன்னாா்வலா்கள் மூலமாக வீடுகளுக்கே சென்று ஆயுஷ் 64 மருந்து விநியோகம் செய்யப்படவுள்ளது. இதன் தொடக்க நிகழ்ச்சியில்,ஆா்.எஸ்.எஸ்.பல்லடம் நகர ஒன்றியத் தலைவா் செந்தில், விஷ்வ ஹிந்து பரிஷத் மாநிலக் மக்கள் தொடா்பாளா் ரஜினிகாந்த், கோட்ட அமைப்புச் செயலாளா் ராமகிருஷ்ணன் உள்ளிட்டோா் பங்கேற்றனா்.