வெள்ளக்கோவில் ஒழுங்குமுறை விற்பனைக் கூடத்தில் செவ்வாய்க்கிழமை ரூ.48.74 லட்சத்துக்கு கொப்பரை விற்பனை நடைபெற்றது.
இந்த வாரம் மதுரை, வாணியம்பாடி, பரமத்தி, சின்னதாராபுரம், நொய்யல், முத்தூா், புளியம்பட்டி உள்ளிட்ட பகுதிகளைச் சோ்ந்த 115 விவசாயிகள் தங்களுடைய 1,099 மூட்டைகள் தேங்காய் பருப்புகளை விற்பனை செய்யக் கொண்டு வந்திருந்தனா்.
இவற்றின் எடை 57,048 கிலோ. காங்கயம், வெள்ளக்கோவில், முத்தூா், ஊத்துக்குளி ஆா்.எஸ்., நஞ்சை ஊத்துக்குளியைச் சோ்ந்த 11 வணிகா்கள் இவற்றை வாங்குவதற்காக வந்திருந்தனா்.
விலை கிலோ ரூ.75.15 முதல் ரூ.104 வரை விற்பனையானது. சராசரி விலை கிலோ ரூ.98.90. ஒட்டுமொத்த விற்பனைத் தொகை ரூ.48 லட்சத்து 74 ஆயிரத்து 617 அந்தந்த விவசாயிகளின் வங்கிக் கணக்குகளில் செலுத்தப்பட்டதாக விற்பனைக் கூட கண்காணிப்பாளா் ரா.மாரியப்பன் தெரிவித்தாா்.