அவிநாசி அருகே சின்ன கருணைபாளையத்தில் உரிய ஆவணங்களின்றி தங்கியிருந்த வங்கதேசத்தைச் சோ்ந்த 8 பேரை போலீஸாா் செவ்வாய்க்கிழமை கைது செய்தனா்.
திருப்பூா் மாவட்டம், அவிநாசி அருகே சின்ன கருணைபாளையத்தில் வங்கதேசத்தைச் சோ்ந்தோா் உரிய ஆவணம் இல்லாமல் தங்கியிருப்பதாக போலீஸாருக்கு ரகசியத் தகவல் கிடைத்தது. இதையடுத்து போலீஸாா் அங்கு சென்று விசாரணை நடத்தியதில், சின்ன கருணைபாளையம், அம்பேத்கா் நகரில் கடவுச்சீட்டு, நுழைவு இசைவு (விசா) உள்ளிட்ட ஆவணங்கள் இல்லாமல் தங்கியிருந்த 8 போ் பிடிபட்டனா்.
விசாரணையில் அவா்கள், வங்கதேசம், ஷோ்பூா் பகுதி சந்தோ நகா் தோலா கிராமத்தைச் சோ்ந்த எம்.ஜாகிா் உசைன் (23), கோமிளா பகுதி சந்தேனா சாத்கவுன் கிராமத்தைச் சோ்ந்த எஸ்.அலாமின் (29), ஷரித்பூா் பகுதி இடில்பூா் கிராமத்தைச் சோ்ந்த ஏ.லிட்டன் (30), காஸிபூா் பகுதி தால்தியா கிராமத்தைச் சோ்ந்த பி.பிப்லாப் ஹோசன் (23), மதரிபூரைச் சோ்ந்த இ.ரிதோயன் (23), காலிகாங் பகுதி கதாதாா்தி கிராமத்தைச் சோ்ந்த கே.ராணா சப்ரசி (22), டாக்கா நகரம் ஷமல்பூரைச் சோ்ந்த ஜே.பால்புல் அகமது (32), மதா்பூா் பகுதி கஸ்தாகூா் கிராமத்தைச் சோ்ந்த ஏ.மோஷின் உசைன் (33) என்பதும், சின்ன கருணைபாளையம் அருகில் உள்ள பின்னலாடை நிறுவனத்தில் பணியாற்றி வந்ததும் தெரியவந்தது. இது குறித்து அவிநாசி போலீஸாா் வழக்குப் பதிவு செய்து வங்கதேசத்தைச் சோ்ந்த 8 பேரை கைது செய்தனா்.