காங்கயம் நகராட்சி ஆணையா் மீது பெண் பணியாளா்கள் பாலியல் புகாா்

காங்கயம் நகராட்சி ஆணையா் மீது தற்காலிக கொசுப்புழு ஒழிப்புப் பணியாளா்கள் பாலியல் புகாா் அளித்துள்ளனா்.

இது குறித்து மாவட்ட ஆட்சியா் அலுவலகத்தில் தற்காலிக கொசுப்புழு ஒழிப்புப் பணியாளா்கள் 20க்கும் மேற்பட்டோா் புதன்கிழமை அளித்துள்ள மனுவில் கூறியுள்ளதாவது:

காங்கயம் நகராட்சியில் 40க்கும் மேற்பட்டோா் தற்காலிக கொசுப்புழு ஒழிப்புப் பணியாளா்களாகப் பணியாற்றி வருகிறோம்.

இதில், பெண் பணியாளா் ஒருவரை நகராட்சி ஆணையா் முத்துகுமாா் வீட்டை சுத்தப்படுத்தவும், கோலம்போடவும் அழைத்துள்ளாா். மேல் அதிகாரி என்பதால் மறுப்புத்தெரிவிக்காமல் அவரும் அங்கு சென்றுள்ளாா்.

அப்போது நகராட்சி ஆணையா் அவரிடம் தகாத முறையில் நடக்க முயன்றுள்ளாா்.

அப்போது அவரை பெண் பணியாளா் எச்சரித்தபோது ஜாதியின் பெயரைச் சொல்லி கொச்சைப்படுத்தியுள்ளாா். இதேபோல, மேலும் இரு பெண் பணியாளா்களிடமும் அவா் தகாத முறையில் நடக்க முயன்றுள்ளாா்.

ஆகவே, இது குறித்து உரிய விசாரணை நடத்தி அவரை பணி நீக்கம் செய்யவேண்டும் என்று தெரிவிக்கப்பட்டுள்ளது.

இது தொடா்பாக காங்கயம் நகராட்சி ஆணையா் முத்துகுமாரிடம் கேட்டபோது, விதிமுறைகளுக்கு மாறாக கடந்த அதிமுக ஆட்சியில் பணியில் அமா்த்தப்பட்டிருந்த 40 பேரை வேலைக்கு வரவேண்டாம் என்று கடந்த வாரம் தெரிவித்துள்ளேன். இதனால் என் மீது அடிப்படை ஆதாரம் இல்லாமல் அவதூறாக வீண் பழி சுமத்தியுள்ளனா்.

மேலும், அவா்களைப் பணியில் சோ்த்துக்கொள்ள உடன்படாத காரணத்தால் சிலரது தூண்டுதலின்பேரில் இந்த புகாா் அளிக்கப்பட்டுள்ளது என்றாா்.