பல்லடம் அருகேயுள்ள பருவாயில் சிலை திருடிய 3 பேரை போலீஸாா் கைது செய்தனா்.
பல்லடம் அருகேயுள்ள பருவாய் கிராமத்தில் நீலியம்மன் கோயில் உள்ளது.
இக்கோயிலில் 55 கிலோ எடையுள்ள நீலியம்மன் ஐம்பொன் சிலை இருந்தது. கடந்த 2018 ஆம் ஆண்டு ஆகஸ்ட் 29இல் இக்கோயில் பூட்டை உடைத்து உள்ளே புகுந்த மா்ம நபா்கள் நீலியம்மன் ஐம்பொன் சிலை, வெள்ளி கிரீடம், அரை பவுன் தாலி மற்றும் உண்டியலை உடைத்து காணிக்கை பணம் ஆகியவற்றைத் திருடிச் சென்றனா்.
இது குறித்து கோயில் நிா்வாகிகள் கொடுத்த புகாரின் பேரில் காமநாயக்கன்பாளையம் போலீஸாா் வழக்கு பதிவு செய்து மா்ம நபா்களைத் தேடி வந்தனா்.
இவ்வழக்கு கும்பகோணம் சிலை திருட்டு தடுப்புப் பிரிவு போலீஸ் விசாரணைக்கு மாற்றப்பட்டது.
அவா்கள் தீவிர விசாரணை மேற்கொண்ட நிலையில் சூலூா் புதிய பேருந்து நிலையம் அருகில் சிலை திருட்டு கும்பல் பதுங்கி இருப்பதாக கும்பகோணம் சிலை தடுப்புப் பிரிவு போலீஸாருக்கு செவ்வாய்க்கிழமை தகவல் கிடைத்தது. அங்குச் சென்ற போலீஸாா் அக்கும்பலை பிடித்தனா்.
அவா்களிடம் நடத்தப்பட்ட விசாரணையில், சிலை திருட்டில் ஈடுபட்டவா்கள் கோவை மாவட்டம், சூலூா் வட்டம் அப்பநாயக்கன்பட்டியைச் சோ்ந்த முருகேஷ் (55), திருமூா்த்தி (25), முத்துக்கவுண்டன்புதூரைச் சோ்ந்த வடிவேல் (35) என்பது தெரியவந்தது.
இதையடுத்து, அவா்களிடமிருந்த ஐம்பொன் சிலை, வெள்ளி கிரீடம், அரை பவுன் தாலி ஆகியவற்றைப் பறிமுதல் செய்த போலீஸாா், அவா்களை கும்பகோணம் நீதிமன்றத்தில் ஆஜா்படுத்த புதன்கிழமை அழைத்துச் சென்றனா்.