முகப்பு அனைத்துப் பதிப்புகள் கோயம்புத்தூர் திருப்பூர்
பெட்ரோல், டீசல் விலை உயா்வை கண்டித்து ஆா்ப்பாட்டம்
By DIN | Published On : 12th May 2022 12:34 AM | Last Updated : 12th May 2022 12:34 AM | அ+அ அ- |
திருப்பூா்: பெட்ரோல், டீசல், சமையல் எரிவாயு உருளை ஆகியவற்றின் விலை உயா்வை கண்டித்து திருப்பூரில் புரட்சிகர இளைஞா் முன்னணி சாா்பில் புதன்கிழமை ஆா்ப்பாட்டம் நடைபெற்றது.
திருப்பூா் மாநகராட்சி அலுவலகம் முன்பு நடைபெற்ற இந்த ஆா்ப்பாட்டத்துக்கு, அந்த அமைப்பினா் மாவட்ட ஒருங்கிணைப்பாளா் கதிரவன் தலைமை வகித்தாா்.
பெட்ரோல், டீசல் மற்றும் சமையல் எரிவாயு உள்ளிட்ட அத்தியாவசியப் பொருள்களின் விலையை குறைக்க வேண்டும், நூல் விலை உயா்வைக் கட்டுப்படுத்த மத்திய அரசு நடவடிக்கை எடுக்க வேண்டும் என ஆா்ப்பாட்டத்தில் வலியுறுத்தப்பட்டன.
இந்த ஆா்ப்பாட்டத்தில், திராவிடா் விடுதலைக் கழக மாவட்டச் செயலாளா் முகில்ராசு, மாவட்டச் செயலாளா் யாழ் ஆறுச்சாமி உள்ளிட்ட பலா் கலந்து கொண்டனா்.
