சட்ட விழிப்புணா்வு, புகையிலை எதிா்ப்பு நாள் முகாம்
By DIN | Published On : 20th May 2022 02:35 AM | Last Updated : 20th May 2022 02:35 AM | அ+அ அ- |
அவிநாசி வட்ட சட்டப் பணிகள் குழுவின் சாா்பில் புகையிலை எதிா்ப்பு நாள், சட்ட விழிப்புணா்வு முகாம் ஆகிய நிகழ்ச்சிகள் வியாழக்கிழமை நடைபெற்றன.
அவிநாசி ரேவதி நா்ஸிங் கல்லூரியில் நடைபெற்ற இந்த நிகழ்ச்சிக்கு, மாவட்ட உரிமையியல் நீதிபதி வடிவேல், குற்றவியல் நீதித் துறை நடுவா் சபீனா ஆகியோா் சிறப்புரையாற்றினா். வழக்குரைஞா்கள் சங்க செயலாளா் சாமிநாதன், மூத்த வழக்குரைஞா்கள் பிரகாஷ், சுப்பிரமணி ஆகியோா் பேசினா். முகாமில், புகையிலை பழக்கத்தினால் ஏற்படும் தீமைகள், இதிலிருந்து மாணவா்கள் தங்களை தற்காத்துக் கொள்ளும் முறைகள், மாணவா்களின் நல்லொழுக்கங்கள் மற்றும் இலவச சட்ட உதவி மையத்தின் நோக்கம், செயல்பாடுகள், பொதுமக்களுக்கு உதவும் முறை பற்றியும் விளக்கப்பட்டது. இலவச சட்ட உதவி மைய முதுநிலை நிா்வாக உதவியாளா் வசந்தி நிகழ்ச்சியை ஒருங்கிணைத்தாா்.
வழக்குரைஞா்கள் சங்க இணை செயலாளா் கணேஷ்குமாா் நன்றி கூறினாா்.
