அவிநாசி வேளாண்மை உற்பத்தியாளா் கூட்டுறவு விற்பனை சங்கத்தில் நடைபெற்ற பருத்தி ஏலத்தில் ரூ.36 லட்சத்து 45ஆயிரத்துக்கு வா்த்தகம் நடைபெற்றது.
இந்த வாரம் நடைபெற்ற ஏலத்துக்கு 1,356 பருத்தி மூட்டைகள் கொண்டு வரப்பட்டன. இதில், ஆா்.சி.ஹெச்.ரகப் பருத்தி குவிண்டால் ரூ. 9,000 முதல் ரூ.10,289 வரையிலும், மட்டரக (கொட்டு ரகம்) பருத்தி குவிண்டால் ரூ.3,000 முதல் ரூ.4,500 வரையிலும் ஏலம் போனது. மொத்தம் ரூ.36 லட்சத்து 45 ஆயிரத்துக்கு வா்த்தகம் நடைபெற்றது.