இருசக்கர வாகனம் திருடியவா் கைது

வெள்ளக்கோவில் அருகே இருசக்கர வாகனத்தை திருடிய நபரை போலீஸாா் வெள்ளிக்கிழமை கைது செய்தனா்.

வெள்ளக்கோவில் செம்மாண்டம்பாளையம் பகுதியைச் சோ்ந்தவா் ஜி. ஜெகநாதன் (48). இவா் பேன்ஸி ஸ்டோா் நடத்தி வருகிறாா். இந்நிலையில், கடையில் இருந்து வீட்டுக்கு இருசக்கர வாகனத்தில் கடந்த 8-ஆம் தேதி மதியம் சென்றுள்ளாா்.

அப்போது, வீட்டின் வெளியே வாகனத்தை நிறுத்தியுள்ளாா். பின்னா், மாலை வந்து பாா்த்தபோது வாகனத்தை காணவில்லையாம்.

இச்சம்பவம் குறித்து வெள்ளக்கோவில் போலீஸாா் வழக்குப் பதிவு செய்து விசாரணை நடத்தி வந்தனா்.

இந்நிலையில், இருசக்கர வாகனத்தை திருடிய கரூா் மாவட்டம், குளித்தலை கிழவெளியூரைச் சோ்ந்த சரத்குமாா் (32) என்பவரை கைது செய்த போலீஸாா், அவரிடமிருந்த வாகனத்தை பறிமதல் செய்தனா்.

இவா் மீது பல்வேறு காவல் நிலையங்களில் 8 திருட்டு வழக்குகள் நிலுவையில் உள்ளதாக போலீஸாா் தெரிவித்தனா்.